ޕްރޮސިކިއުޓަރ ޖެނެރަލް ވ. ނަން ސިއްރުކުރެވިފައި

ނ. ވެލިދޫ މެޖިސްޓްރޭޓް ކޯޓުން ބަންދުގައި ބެހެއްޓުން ކޮންމެހެން ބޭނުން މީހެއްކަމަށް ނުފެންނާތީ، ކުޑަކުދިންނާ މުޢާމަލާތް ނުކުރުން ފަދަ ޝަރުޠުތަކާއެކު ބަންދުން ދޫކޮށްލުމަށް އަމުރުކުރިއެވެ.

ތުހުމަތުކުރެވޭ ފަރާތަކީ ޢާއިލާގެ ކުޑަކުއްޖަކަށް ޖިންސީ ގޯނާކުރުމުގެ ދަޢުވާގައި 2021 ން ފެށިގެން ޝަރީޢަތް ނިމެންދެން ބަންދުގައި ހުރި މީހެކެވެ. ހުރިހާ ހެކިންގެ ހެކިބަސް ނަގައި ނިމުމުން ބަންދު މުރާޖަޢާކުރުމަށް އެދުނެވެ.

ދައުލަތުން ބުނީ ކުޑަކުދިންނަށް އޮތް ނުރައްކާ ފިލައިގެން ދިޔަގޮތް ނުވަތަ ޙާލަތު ބަދަލުވިގޮތް އަމުރުގައި ބަޔާންކޮށްފައި ނުވާކަމަށެވެ. ރައްދުވާ ފަރާތުން ބުނީ މިއީ ފަނޑިޔާރުގެ އިޚްތިޔާރުގެ ތެރެއިން ނިންމި ނިންމުމެއް ކަމަށާއި ސަބަބު އިޖުމާލީކޮށް ބަޔާންކޮށްފައިވާ ކަމަށެވެ.

ކުޑަކުދިންނަށް ޖިންސީ ގޯނާކުރުމުގެ ތުހުމަތުގައި ޝަރީޢަތް ނިމެންދެން ބަންދުކުރެވިފައިވާ މީހަކު، ބަންދު މުރާޖަޢާކޮށް ޝަރުޠުތަކާއެކު ދޫކޮށްލި އަމުރަކީ ޤާނޫނު ނަންބަރު 12/2009 ގެ 36 ވަނަ މާއްދާއާއި ޤާނޫނުއަސާސީގެ 143 ވަނަ މާއްދާގެ (ރ) އާ ޚިލާފު އަމުރެއްތޯ؛ ޙާލަތު ބަދަލުވިގޮތް އަމުރުގައި ބަޔާންކުރަން ޖެހޭތޯ.

އިސްތިއުނާފު ބާޠިލް، ދަށުކޯޓުގެ އަމުރު ޤާއިމް (2-1)

އަޣުލަބިއްޔަތުގެ ރައުޔަކީ ދަށުކޯޓުން ދޫކޮށްލީ ޙާލަތު ބަދަލުވުމަކަށް ބިނާކޮށް ނޫން، ބަންދު ކޮންމެހެން ބޭނުން ނުވާ ޙާލަތަށް ބިނާކޮށް ކަމުން ދައުލަތުގެ ނުކުތާ އަމުރާ ފުށުނާރާ ކަމެވެ. ޚިލާފު ރައުޔުގައި ބުނީ ކުރިން ބަންދުކުރި ސަބަބު ނެތިގެން ދިޔަގޮތް ބަޔާންކުރަން ޖެހޭ ކަމަށެވެ.