ޕްރޮސިކިއުޓަރ ޖެނެރަލް ވ. ނަން ސިއްރުކުރެވިފައި

ބަންދު މުރާޖަޢާކޮށް، އަމުރު ދެމެހެއްޓުމުގެ ބޭނުމެއް ނެތްކަމަށް ބުނެ (ނުބައި މާއްދާއަކަށް ޙަވާލާދީފައިވާތީ) ބަންދު އަމުރު ބާޠިލުކޮށް ބަންދުން ދޫކުރިއެވެ.

ޢާއިލާގެ ކުޑަކުދިންނާ ޖިންސީ ޢަމަލު ހިންގިކަމުގެ ތުހުމަތުގައި ތުހުމަތުކުރެވޭ ފަރާތް ޝަރީޢަތް ނިމެންދެން ބަންދުކުރަން ދަށުކޯޓުން އަމުރުކުރިއިރު ޙަވާލާދީފައިވަނީ ޤާނޫނު ނަންބަރު 12/2009 ގެ 30 ވަނަ މާއްދާއަށެވެ.

ދައުލަތުން ބުނީ ޙާލަތު ބަދަލުވި ގޮތެއް ބަޔާންކޮށްފައި ނުވާކަމަށާއި ނުބައި މާއްދާއަށް ޙަވާލާދިނުމަކީ ދޫކުރެވޭނެ ސަބަބެއް ނޫންކަމަށެވެ. ތުހުމަތުކުރެވޭ ފަރާތުން ބުނީ ޝަރީޢަތް ލަސްވާކަމަށާއި ހެކިން ހާޒިރު ނުކުރެވޭކަމަށާއި ޙާލަތު ބަދަލުވެފައިވާކަމަށެވެ.

ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނުގެ 36 ވަނަ މާއްދާގެ (ނ) ގެ ދަށުން ބަންދު މުރާޖަޢާކުރުމުގައި، ބަންދު އަމުރުގައި ނުބައި މާއްދާއަކަށް ޙަވާލާދީފައިވުމަކީ ތުހުމަތުކުރެވޭ ފަރާތް ބަންދުން ދޫކުރެވޭނެ ސަބަބެއްތޯ؛ އަދި ޖިނާއީ އިޖުރާއަތުގެ ޤާނޫނުގެ 198 ވަނަ މާއްދާގެ (ބ) ގެ 14 ދުވަސް ގުނަންވީ ގޮތް.

ދަށުކޯޓުގެ ބަންދު މުރާޖަޢާގެ ނިންމުން ބާޠިލު، ބަންދާމެދު އަލުން ގޮތެއް ނިންމުމަށް ދަށުކޯޓަށް އެންގި

އަމުރުގައިވާ ސަބަބުތަކުން އެއީ ޤާނޫނު ނަންބަރު 12/2009 ގެ ދަށުން ނެރުނު އަމުރެއްކަން އެނގޭތީ، ނުބައި މާއްދާއަކަށް ޙަވާލާދިނުމަކީ ރަނގަޅުކުރެވެން އޮތް އިޖުރާއީ ގޯހެއް ކަމުން، ހަމައެކަނި އެކަމަށް ބަލައި ބަންދުން ދޫކުރުން ރަނގަޅެއް ނޫނެވެ. ބަންދު ސަބަބުތައް ނެތިދިޔަ ގޮތް ބަޔާންކުރެވިފައި ނުވެއެވެ.