ޕްރޮސިކިއުޓަރ ޖެނެރަލް ވ. މުޙައްމަދު ޔުނާން

ދަށު ކޯޓުން ހެއްކަށް ނުފޫޒު ފޯރުވުމުގެ އިޙްތިމާލު ނެތްނަމަވެސް ކުޑަކުދިންގެ ރައްކާތެރިކަމަށް ޓަކައި ގޭގައި ހުރުން ފަދަ ޝަރުޠުތަކާއެކު ޝަރީޢަތް ނިމެންދެން ބަންދުން ދޫކޮށްލިއެވެ.

ކުޑަކުދިންތަކަކަށް ޖިންސީ ގޯނާކުރުމުގެ ތުހުމަތުގައި ހައްޔަރުކޮށް ޝަރީޢަތް ނިމެންދެން ބަންދުކޮށްފައިވާ މީހަކު، ބަލިހާލަތު ހުރިގޮތުން ބަންދު މުރާޖަޢާކޮށް ދޫކޮށްދިނުމަށް ހުޅުމާލެ މެޖިސްޓްރޭޓް ކޯޓަށް އެދުނެވެ؛ ދަޢުވާތަކުގައި ހެކިބަސް ނަގައި ނިމިފައިވިއެވެ.

ދައުލަތުން ބުނީ މުޖުތަމަޢަށް އޮތް ނުރައްކަލަށް ބަދަލު އައިގޮތެއް ބަޔާންކޮށްފައި ނުވާކަމަށާއި މަތީ ކޯޓުތަކުގެ ނިންމުންތަކާ ޚިލާފުކަމަށެވެ؛ ތުހުމަތުކުރެވޭ ފަރާތުން ބުނީ ގިނަ ދުވަސް ބަންދުގައި ހުރިކަމަށާއި ބަލިތައް ހުރިކަމަށާއި ހެކިބަސް ނަގައި ނިމިފައިވާތީ ބަންދުގެ ސަބަބު ސާބިތުކުރަންވާނީ ދައުލަތުންކަމަށެވެ.

ކުޑަކުދިންނަށް ޖިންސީ ގޯނާކުރުމުގެ ތުހުމަތުގައި ޚާއްޞަ ޤާނޫނުގެ ދަށުން ޝަރީޢަތް ނިމެންދެން ބަންދުކޮށްފައިވާ މީހަކު، ބަންދުކުރި ޙާލަތު ބަދަލުވިގޮތް ބަޔާންނުކޮށް ޝަރުތުކޮށް ބަންދުން ދޫކޮށްލުން ޤާނޫނީ ހަމަތަކާ އެއްގޮތްތޯ.

ދަށުކޯޓުގެ އަމުރު ބާޠިލު؛ 7 ދުވަހުގެ ތެރޭގައި ބަންދަށް އެދި ހުށަހަޅައިފިނަމަ އަވަސް މިނެއްގައި ގޮތެއް ކަނޑައަޅަން ދަށު ކޯޓަށް އަމުރުކުރި

ދަށު ކޯޓުގެ އަމުރުން ވެސް މުޖުތަމަޢަށް ނުރައްކާ ބާކީ އޮތްކަން ދޭހަވާއިރު ޙާލަތު ބަދަލުވިގޮތެއް ބަޔާންކޮށްފައި ނުވާތީއާއި، ކޮށްފައިވާ ޝަރުޠުތަކުން ކުޑަކުދިންގެ ރައްކާތެރިކަން ކަށަވަރު ނުކުރެވޭތީ، އެއީ ޤާނޫނީ ހަމަތަކާ ޚިލާފު ނިންމުމެއްކަމަށް ބެލިއެވެ.