އަހްމަދު ޝަރީފު ވ. ޕްރޮސިކިއުޓަރ ޖެނެރަލް

މީދޫ މެޖިސްޓްރޭޓް ކޯޓުން އިޢުތިރާފުގެ މައްޗަށް ކުށްވެރިކޮށް 18 އަހަރު ޖަލަށްލުމާއެކު 75,000 ރުފިޔާގެ ޖޫރިމަނާއަށް ޙުކުމްކުރިއެވެ.

ރިސޯޓެއްގެ ކޮޓަރިއެއްގައި ފުލުހުން ބަލައި ފާސްކުރިއިރު ކެނެބިސް ފެނިފައިވާއިރު، އެތަކެތި ރިސޯޓަށް ގެންގޮސް ދިނުމަށް އިސްތިއުނާފުކުރި ފަރާތް އެހީތެރިވި ކަމަށް ބުނެ ކެނެބިސް ޓްރެފިކްކުރުމުގައި ބައިވެރިވުމުގެ ދަޢުވާ ކުރެވުނެވެ.

އިސްތިއުނާފުކުރި ފަރާތުން ޖިނާއީ އިޖުރާއަތުގެ ޤާނޫނުގެ 107، 108، 139 ވަނަ މާއްދާތަކާއި ޤާނޫނުއަސާސީގެ 51 (އ) އާއި 2017/HC-A/189 ގެ އުޞޫލުތަކާ ޚިލާފުކަމަށް 5 ނުކުތާ ހުށަހެޅިއެވެ. ޕްރޮސިކިއުޓަރ ޖެނެރަލްގެ ފަރާތުން ތާރީޚުތައް ތަފާތުވުމާއި ޗެއިން އޮފް ކަސްޓަޑީ ބްރޭކްވުމުން މާއްދީ ހެކީގެ ޞައްޙަކަމާމެދު ޝައްކު އުފެދޭތީ ޙުކުމް ބާޠިލުކުރަން އެދުނެވެ.

ކެނެބިސް ޓްރެފިކްކުރުމުގައި ބައިވެރިވުމުގެ ކުށުގައި ކުށްވެރިކުރި ޙުކުމް، މާއްދީ ހެކީގެ ތާރީޚުތައް ތަފާތުވުމާއި ޗެއިން އޮފް ކަސްޓަޑީ ބްރޭކްވުމުގެ ސަބަބުން ބާޠިލުކުރަންޖެހޭތޯ.

ދަށުކޯޓުގެ ޙުކުމް ބާޠިލު

މާއްދީ ހެކީގެ ޞައްޙަކަމާމެދު ޝައްކު އުފެދިފައިވާކަމަށް ދައުލަތުން ބުނެ ޙުކުމް ބާޠިލުކުރަން ދެފަރާތުން އެދުމުން، ޙުކުމް ބާޠިލުކުރަންޖެހޭކަމަށް ފަނޑިޔާރުން އިއްތިފާޤުވިއެވެ.