ޙަސަން ފާއިޒް ވ. ޕްރޮސިކިއުޓަރ ޖެނެރަލް

ކްރިމިނަލް ކޯޓުން ހެކިބަހާއި ޤަރީނާތަކުން އެކަށީގެންވާ ޝައްކެއް ނެތް މިންވަރަށް ސާބިތުވާތީ ރޭޕްކުރުމުގެ ކުށުން ކުށްވެރިކޮށް 15 އަހަރުގެ ޖަލު ޙުކުމް ކުރިއެވެ.

ތުހުމަތުކުރެވޭ ފަރާތް ކ. މާލޭގެ ގެއެއްގެ ފުރަތަމަ ފަންގިފިލާގެ ކޮޓަރިއަކަށް އަނިޔާ ލިބުނު ފަރާތް ގެންގޮސް ރޭޕްކުރި ކަމަށް ބުނެ ޖިންސީ ކުށުގެ ޤާނޫނުގެ ދަށުން ދައުލަތުން ދަޢުވާ އުފުލިއެވެ.

ތުހުމަތުކުރެވޭ ފަރާތުން ބުނީ ޤާނޫނީ އިންޒާރުގައި ކުށަކަށް ލިޔެފައިވަނީ ގަދަކަމުން ބަދުއަޚްލާޤީ ޢަމަލު ހިންގުން ކަމަށާއި، ވަކީލުގެ ހާޒިރުގައި އިންޒާރު ދިނީ ލަސްވެގެން ކަމަށާއި، ބަލާފާސްކުރުމާއި ޑީ.އެން.އޭ ގެ ޗެއިން އޮފް ކަސްޓަޑީ ޤާނޫނާ ޚިލާފު ކަމަށާއި، ހެކިތަކުގައި ފުށުއެރުން ހުރި ކަމަށެވެ. ދައުލަތުން ބުނީ އިންޒާރު ފުރިހަމަ ކަމަށާއި ޑީ.އެން.އޭ ގެ ސުވާލު ދަށުކޯޓުގައި ނުއުފައްދާ ކަމަށާއި ކިޔައިދިނުމަށް ބުރަދަން ދިނީ ޖިންސީ ކުށުގެ ޤާނޫނާ އެއްގޮތަށް ކަމަށެވެ.

ރޭޕްކުރުމުގެ ކުށުގައި 15 އަހަރުގެ ޖަލު ޙުކުމާމެދު، ޤާނޫނީ އިންޒާރު ފުރިހަމަނުވުމާއި، ބަލާފާސްކުރުމުގައި ތުހުމަތުކުރެވޭ ފަރާތުގެ މަޞްލަޙަތު ބަލާނެ މީހަކު ހާޒިރުނުވުމާއި، ޑީ.އެން.އޭ ރިޕޯޓުގެ ޗެއިން އޮފް ކަސްޓަޑީ، ޒިނޭއާއި ރޭޕްގެ ކުށް ތަޖުރީމްކުރުން، ހެކީގެ ފުށުއެރުންތަކާއި އަނިޔާ ލިބުނު ފަރާތް އެހެން މީހުންނަށް ކިޔައިދިން ކިޔައިދިނުމަށް ބުރަދަން ދިނުމުގެ ސަބަބުން ޙުކުމް ބާޠިލުވާނެތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ހައްޔަރުކުރެވޭ މީހާގެ ފޯމުގައި ރޭޕްގެ ކުށް ހިމަނައި ސޮއިކޮށްފައިވާތީ އިންޒާރު ފުރިހަމައެވެ. ބަލާފާސްކުރި ތަނަކީ އޭނާ ދޫކޮށްލާފައިވާ ތަނެއްކަމަށްވާތީ އޭނާގެ މަޞްލަޙަތު ބަލާނެ މީހަކު ލާޒިމެއް ނޫނެވެ. ޑީ.އެން.އޭ ގެ ނުކުތާ ދަށުކޯޓުގައި ނުނަގާތީ ނުބެލޭނެއެވެ. ޖައުހަރީ ފުށުއެރުމެއް ބަޔާންނުކުރެވޭ އަދި ރުހުން ސާބިތުނުކުރެވޭތީ ޙުކުމަށް ބަދަލު ނުގެނެވޭނެއެވެ.