އަޙްމަދު މުސްޠަފާ ވ. ޕްރޮސިކިއުޓަރ ޖެނެރަލް

ކްރިމިނަލް ކޯޓުން ޑައިމޯފިން ޓްރެފިކްކުރުމުގެ ކުށް ސާބިތުކޮށް، ޢުމުރަށް ޖަލަށްލުމާއެކު 100,000 ރުފިޔާ ޖޫރިމަނާކުރިއެވެ.

ކޯޓު އަމުރެއްގެ ދަށުން ތުހުމަތުކުރެވޭ ފަރާތް ދިރިއުޅޭ އެޕާޓްމަންޓު ބަލާފާސްކުރިއިރު، އޭނާ ނިދާ ތަނުގައިވާ ގޮދަޑި، ބާލީސް ފަދަ ތަންތަނުން ޑައިމޯފިން ހުރި ރަބަރު ޕެކެޓްތައް ފެނުނެވެ.

އިސްތިއުނާފުކުރި ފަރާތުން ބުނީ ހައްޔަރާއި ބަލާފާސްކުރުން ޤާނޫނާ ޚިލާފު ކަމަށާއި، ޗެއިން އޮފް ކަސްޓަޑީ ކަށަވަރުނުވާ ކަމަށާއި، ހިޔާޒަތު ގޯހަށް މާނަކުރި ކަމަށާއި، ތަޙްލީލު އުޞޫލާ ޚިލާފު ކަމަށާއި، ޙުކުމުގެ ރިޕޯޓަށް ބަދަލު ގެނެސްފައިވާ ކަމަށެވެ. ދައުލަތުން ބުނީ ހުރިހާ އިޖުރާއަތެއް ޤާނޫނާ އެއްގޮތަށް ހިންގި ކަމަށެވެ.

ޑައިމޯފިން ޓްރެފިކްކުރުމުގެ ކުށް ސާބިތުކުރުމުގައި ހައްޔަރުކުރުމާއި ބަލާފާސްކުރުމުގެ އިޖުރާއަތުތަކާއި، ޗެއިން އޮފް ކަސްޓަޑީއާއި، ހިޔާޒަތު މާނަކުރުމާއި، ރޭންޑަމް ސާމްޕަލް ތަޙްލީލުކުރުމާއި، ޙުކުމުގެ ރިޕޯޓުގައިވާ ލިޔުމުގެ ކުށަކާ ގުޅޭ ނުކުތާތަކުގެ ސަބަބުން ކްރިމިނަލް ކޯޓުގެ ޙުކުމް ބާޠިލުވާންޖެހޭތޯ.

އިސްތިއުނާފު ބާޠިލު، ދަށުކޯޓުގެ ޙުކުމް ޤާއިމް

އިންޒާރު ދެވި، ބަލާފާސްކުރުމުގެ އަމުރުން ވަނުމުގެ ބާރު ލިބި، ޗެއިން އޮފް ކަސްޓަޑީ ދަށުކޯޓުން ހެކިތަކަށް ބަލައި ކަށަވަރުކޮށް، ހިޔާޒަތު ޤަރީނާތަކުން ސާބިތުވެ، ތަޙްލީލުގައި ގޯހެއް ނުދައްކާތީ، ޙުކުމަށް ބަދަލު ގެންނަންޖެހޭ ސަބަބެއް ނެތް ކަމަށް ކޯޓު ނިންމިއެވެ.