2017/HC-A/189

ހެކި ފޮރުވަން ނުވަތަ ހެކިބަސްދޭން ހުރި މީހަކަށް ނުފޫޒު ފޯރުވަފާނެކަމަށް ފެންނާތީ 6 ދުވަހަށް ބަންދުގައި ބެހެއްޓުމަށް ކްރިމިނަލް ކޯޓުން އަމުރުކުރެއްވިއެވެ.

ރިޝްވަތު ދިނުމާއި ޤާނޫނާ ޚިލާފަށް ސަރުކާރު ވައްޓާލަން މަސައްކަތްކުރުމުގެ ތުހުމަތުގައި، ރައްޔިތުންގެ މަޖިލީހުގެ މެންބަރެއް ފުލުހުން ހުށަހަޅައިގެން ކްރިމިނަލް ކޯޓުން ނެރުއްވި ހައްޔަރުކުރުމުގެ އަމުރެއްގެ ދަށުން ހައްޔަރުކުރެވުނެވެ.

އިސްތިއުނާފުކުރި ފަރާތުން ބުނީ، އަމުރަކީ ޤާނޫނު ނަންބަރު 5/2013 ގެ 13 (ހ) އާ ޚިލާފު އަމުރެއް ކަމަށާއި، ހެއްކެއް ހުށަނާޅައި ނުފޫޒު ފޯރުވާނެކަމަށް ނިންމީ ޤާނޫނުއަސާސީގެ 49 ވަނަ މާއްދާއާއި 2012/HC-A/112 އާ ޚިލާފަށް ކަމަށާއި، 49 ވަނަ މާއްދާގައިވާ ސަބަބުތައް ނޫން ސަބަބަކަށް ބިނާކޮށް ބަންދުކުރީ ކަމަށެވެ.

ޤާނޫނު ނަންބަރު 5/2013 ގެ 13 ވަނަ މާއްދާގެ (ހ) ގައިވާ އިޖްރާއަތާ ޚިލާފަށް ހައްޔަރުކުރެވުނު ރައްޔިތުންގެ މަޖިލީހުގެ މެންބަރެއްގެ ބަންދު، އެ ހައްޔަރުކުރުމުގެ އަމުރަށް ބިނާކޮށް އިތުރުކުރައްވާ ކްރިމިނަލް ކޯޓުން ނެރުއްވި އަމުރު ޤާނޫނާ އެއްގޮތްތޯ.

ދަށުކޯޓުގެ އަމުރު ބާޠިލު، ބަންދުން ދޫކޮށްލުމަށް އަންގައިފި

މެންބަރު ހައްޔަރުކުރެވުނީ ކުށުގެ ވެށިން ނޫނީ، 13 (ހ) ގެ އިޖްރާއަތާ ޚިލާފަށް ނެރުއްވި ހައްޔަރުކުރުމުގެ އަމުރެއްގެ ދަށުން ކަމަށްވާތީ، އެ ބާޠިލު އަމުރަށް ބިނާކޮށް ބަންދު އިތުރުކުރި އަމުރުވެސް ބާޠިލުވެއެވެ.