ޠަލްޙަތު އިބްރާޙީމް ކަލޭފާނު ވ. ޙަސަން ޙުސައިން

ބާކީ ފައިސާ 1 މަސްދުވަހުގެ ތެރޭގައި ދައްކަން އަންގައި، ނުދައްކައިފިނަމަ ދަޢުވާލިބޭ ފަރާތްތައް އިފްލާސްކުރުމުގެ މަސައްކަތް ފަށާނެކަމަށް ކަނޑައަޅައި، ދަޢުވާލިބޭ ފަރާތްތަކުގެ ޣައިރު ޙާޟިރުގައި ސިވިލް ކޯޓުން ޙުކުމްކުރިއެވެ.

ސިވިލް ކޯޓުގެ 2013/Cv-C/2242 ޤަޟިއްޔާގައި ސާބިތުވި 12.7 މިލިއަނަށްވުރެ ގިނަ ރުފިޔާގެ ދަރަނި ދައްކާނުލާތީ، ޙުކުމް ތަންފީޛުކޮށްދިނުމަށް އެދި ދަރަނި ހިންގި ފަރާތުން ސިވިލް ކޯޓަށް ހުށަހެޅިއެވެ.

ޣައިރު ޙާޟިރުގައި ޙުކުމްކުރުމުން ދަޢުވާއަށާއި ޝަރީޢަތަށް ޖަވާބުދާރީވުމުގެ ފުރުޞަތު ނުލިބި، ޢަދުލުވެރިކަމާއި ހާމަކަމާއެކު ޝަރީޢަތް ހިނގާފައި ނުވާކަމަށް އިސްތިއުނާފުކުރި ފަރާތުން ބުނެފައިވެއެވެ.

ޙުކުމް ތަންފީޛުކުރުމުގެ މައްސަލައެއްގައި ދަޢުވާލިބޭ ފަރާތެއްގެ ޣައިރު ޙާޟިރުގައި ދަށުކޯޓުން ޙުކުމްކުރުމަކީ ޖަވާބުދާރީވުމުގެ ފުރުޞަތު ނުދީ، ޢަދުލުވެރިކަމާއި ހާމަކަމާ ޚިލާފަށް ކުރި ޙުކުމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދަށުކޯޓުގެ ފައިލަށް ބަލާއިރު ތިން އަޑުއެހުމެއް ބާއްވައި، އިސްތިއުނާފުކުރި ފަރާތުގެ ބަސް ހޯދައި، ޙައްލުކުރުމަށް ފުރުޞަތުތައް ދީ، ޙުކުމުގެ ދުވަހަށް ޖަލުން ޙާޟިރުކުރުމަށް ކަރެކްޝަނަލް ސަރވިސަށް ޗިޓު ފޮނުވާފައިވާތީ ޙުކުމަކީ އިންސާފުން ބޭރު ޙުކުމެއް ނޫނެވެ.