ޕްރޮސިކިއުޓަރ ޖެނެރަލް ވ. ޞަފިއްޔާ އިބްރާހީމް

ފުވައްމުލަކު މެޖިސްޓްރޭޓް ކޯޓުން އިޢުތިރާފުން ކުށް ސާބިތުކޮށް 100 ޙައްދާއި 1 އަހަރުގެ ގޭބަންދު ކަނޑައެޅިއެވެ.

ތުހުމަތުކުރެވޭ ފަރާތް ޒިނޭކުރިކަމަށް ތަޙުޤީޤާއި ޝަރީޢަތުގައި އިޢުތިރާފުވުމުން ދައުލަތުން ޒިނޭގެ ކުށުގެ ދަޢުވާ ކުރިއެވެ. ސަރކިއުލަރގެ ދަށުން މައްސަލަ ހައިކޯޓަށް ފޮނުވިއެވެ.

ޕްރޮސިކިއުޓަރ ޖެނެރަލް އެދުނީ އިޢުތިރާފު ޞައްޙަކަމާއި، ޤާނޫނުއަސާސީގެ ޙައްޤުތައް ލިބިދީފައިވާކަމާއި، ޙައްދު ޖެހުން މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ.

ޝަރީޢަތުގެ މަޖިލީހުގައި ވި އިޢުތިރާފުގެ މައްޗަށް ޒިނޭގެ ކުށް ސާބިތުކޮށް 100 ޙައްދާއި 1 އަހަރުގެ ގޭބަންދު ކަނޑައެޅި ޙުކުމަކީ ޞައްޙަ ނިހާއީ ޙުކުމެއްތޯ (ސުޕްރީމް ކޯޓުގެ 2015/14/SC ސަރކިއުލަރގެ ދަށުން).

ދަށުކޯޓުގެ ޙުކުމް ޞައްޙަ، ޤާއިމް

ހައިކޯޓުން ސުވާލުކޮށް އިޢުތިރާފަކީ އަމިއްލަ އިޚްތިޔާރުގައި ވި ޞައްޙަ އިޢުތިރާފެއްކަމާއި ރުޖޫޢަވެފައި ނުވާކަމާއި، ޙައްޤުތައް ލިބިދީފައިވާކަމާއި، ފުރަތަމަ ކުށަކަށް ރިޢާޔަތްކޮށް އަދަބު ކަނޑައަޅާފައިވާކަން ފާހަގަކޮށް ޙުކުމް ޞައްޙަކަމަށް ކަނޑައެޅިއެވެ.