ޕްރޮސިކިއުޓަރ ޖެނެރަލް ވ. މަރްޔަމް ޝާކިރާ

ހިރިލަންދޫ މެޖިސްޓްރޭޓް ކޯޓުން ޝަރީޢަތުގެ މަޖިލީހުގައި ވި އިޢުތިރާފުން ކުށް ސާބިތުކޮށް، ކުޑަކުދިންގެ ޤަވާޢިދަށް ރިޢާޔަތްކޮށް 100 ޙައްދާއި 8 މަސްދުވަހުގެ ގޭބަންދު ކަނޑައެޅިއެވެ.

ތުހުމަތުކުރެވޭ ފަރާތް ޒިނޭކުރިކަމަށް އިޢުތިރާފުވުމުން ދައުލަތުން ޒިނޭގެ ކުށުގެ ދަޢުވާ ކުރިއެވެ. ކުށްކުރިއިރު އޭނާއަކީ ޤާނޫނީ ގޮތުން ކުޑަކުއްޖެކެވެ.

ޕްރޮސިކިއުޓަރ ޖެނެރަލް އެދުނީ އިޢުތިރާފު ޞައްޙަކަމާއި، ޤާނޫނުއަސާސީގެ ޙައްޤުތައް ލިބިދީފައިވާކަމާއި، ޙައްދު ޖެހުން މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ.

ޝަރީޢަތުގެ މަޖިލީހުގައި ވި އިޢުތިރާފުގެ މައްޗަށް ޒިނޭގެ ކުށް ސާބިތުކޮށް، ކުށް ކުރިއިރު ކުޑަކުއްޖެއް ކަމުގައިވާ ތުހުމަތުކުރެވޭ ފަރާތަށް 100 ޙައްދާއި 8 މަސްދުވަހުގެ ގޭބަންދު ކަނޑައެޅި ޙުކުމަކީ ޞައްޙަ ޙުކުމެއްތޯ (ސުޕްރީމް ކޯޓުގެ 2015/14/SC ސަރކިއުލަރގެ ދަށުން).

ދަށުކޯޓުގެ ޙުކުމް ޞައްޙަ، ޤާއިމް

ތަޙުޤީޤާއި ދަށުކޯޓުގައި ވި އިޢުތިރާފު ހައިކޯޓުން ސުވާލުކޮށް ކަށަވަރުކުރުމުން، އެއީ އަމިއްލަ އިޚްތިޔާރުގައި ވި ޞައްޙަ އިޢުތިރާފެއްކަމާއި، ރުޖޫޢަވެފައި ނުވާކަމާއި، ޙައްޤުތައް ލިބިދީފައިވާކަމާއި، ކުޑަކުއްޖެއްކަމަށް ރިޢާޔަތްކޮށް އަދަބު ކަނޑައެޅިކަން ފާހަގަކޮށް ޙުކުމް ޞައްޙަކަމަށް ކަނޑައެޅިއެވެ.