ޕްރޮސިކިއުޓަރ ޖެނެރަލް ވ. ފާޠިމަތު ސުމާ

ކެނދިކުޅުދޫ މެޖިސްޓްރޭޓް ކޯޓުން އިޢުތިރާފުން ކުށް ސާބިތުކޮށް 100 ޙައްދާއި 1 އަހަރުގެ ގޭބަންދު ކަނޑައެޅިއެވެ.

ތުހުމަތުކުރެވޭ ފަރާތް ޒިނޭކުރިކަމަށް ތަޙުޤީޤާއި ޝަރީޢަތުގައި އިޢުތިރާފުވުމުން ދައުލަތުން ޒިނޭގެ ކުށުގެ ދަޢުވާ ކުރިއެވެ. އެއްވެސް ފަރާތަކުން އިސްތިއުނާފު ނުކުރުމުން ސަރކިއުލަރގެ ދަށުން ފައިލު ހައިކޯޓަށް ފޮނުވިއެވެ.

ޕްރޮސިކިއުޓަރ ޖެނެރަލް އެދުނީ އިޢުތިރާފު ޞައްޙަކަމާއި، ޤާނޫނުއަސާސީއާއި ޖިނާއީ އިޖުރާއަތުގެ ޤާނޫނުގެ ޙައްޤުތައް ލިބިދީފައިވާކަމާއި، ޙައްދު ޖެހުން މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ.

ޝަރީޢަތުގެ މަޖިލީހުގައި ވި އިޢުތިރާފުގެ މައްޗަށް ޒިނޭގެ ކުށް ސާބިތުކޮށް 100 ޙައްދާއި 1 އަހަރުގެ ގޭބަންދު ކަނޑައެޅި ޙުކުމަކީ ޞައްޙަ ޙުކުމެއްތޯ (ސުޕްރީމް ކޯޓުގެ 2015/14/SC ސަރކިއުލަރގެ ދަށުން).

ދަށުކޯޓުގެ ޙުކުމް ޞައްޙަ، ޤާއިމް

ހައިކޯޓުން ސުވާލުކޮށް އިޢުތިރާފަކީ އަމިއްލަ އިޚްތިޔާރުގައި ވި ޞައްޙަ އިޢުތިރާފެއްކަމާއި ރުޖޫޢަވެފައި ނުވާކަމާއި ޙައްޤުތައް ލިބިދީފައިވާކަން ކަށަވަރުކޮށް ޙުކުމް ޞައްޙަކަމަށް ކަނޑައެޅިއެވެ.