ޕްރޮސިކިއުޓަރ ޖެނެރަލް ވ. ފާއިގާ ޙަސަން

ދަރަނބޫދޫ މެޖިސްޓްރޭޓް ކޯޓުން ޤާނޫނުލްޢުޤޫބާތުގެ 411 ވަނަ މާއްދާގެ ދަށުން ކުށް ސާބިތުކޮށް 100 ޖަލްދާއި 9 މަހާއި 18 ދުވަހުގެ ގޭބަންދަށް ޙުކުމްކުރިއެވެ.

ކައިވެންޏަކާ ނުލައި ކުއްޖަކު ވިހެއުމުން ތަޙްޤީޤުކުރެވި، ތުހުމަތުކުރެވޭ ފަރާތް ޒިނޭކުރިކަމަށް ތަޙްޤީޤުގައާއި ޝަރީޢަތުގައި އިޢުތިރާފުވިއެވެ.

ޕްރޮސިކިއުޓަރ ޖެނެރަލް އޮފީހުން ޙުކުމަކީ ނިހާއީ ޙުކުމެއްކަން ކަށަވަރުކުރުމަށް އެދި، އަދަބު ކަނޑައަޅަންވީ ޖިންސީ ކުށުގެ ޤާނޫނުގެ ދަށުން 1 އަހަރުގެ ގޭބަންދާއި 100 ޖަލްދު ކަމަށް ބުންޏެވެ. ތުހުމަތުކުރެވޭ ފަރާތުން ބުނީ އިޢުތިރާފުވީ އަމިއްލަ އިޚްތިޔާރުގައި ކަމަށާއި، ޙައްދު ޖެހުން މަނާކުރާ ބައްޔެއް ނެތްކަމަށެވެ.

ޒިނޭކުރުމުގެ ކުށަށް އިޢުތިރާފުވުމުން ކުށް ސާބިތުކޮށް ކުރި ޙުކުމަކީ ނިހާއީ ޙުކުމެއްތޯއާއި، ޒިނޭގެ ކުށަށް އަދަބު ކަނޑައަޅަންވީ ޤާނޫނުލްޢުޤޫބާތުގެ ދަށުންތޯ ނުވަތަ ޖިންސީ ކުށުގެ ޤާނޫނުގެ ދަށުންތޯ.

ކުށް ސާބިތުވުން ޤާއިމް، އަދަބުގެ ބައި ބަދަލުކުރި (100 ޙައްދާއެކު 1 އަހަރު ގޭބަންދު)

އިޢުތިރާފަކީ ޞައްޙަ އިޢުތިރާފެއްކަމާއި ރުޖޫޢަވެފައި ނުވާތީ ކުށް ސާބިތުވާކަން ޤާއިމްކުރިއެވެ. ނަމަވެސް ޒިނޭގެ މައްސަލަތަކުގައި ޖިންސީ ކުށުގެ ޤާނޫނަށް އިސްކަން ލިބޭތީ ދަށުކޯޓުގެ އަދަބު ބާޠިލުކޮށް، ޖިންސީ ކުށުގެ ޤާނޫނުގެ 27 (ށ) ގެ ދަށުން 100 ޙައްދާއި 1 އަހަރުގެ ގޭބަންދު ކަނޑައަޅައި، ކުރިން ތަންފީޛުކުރި މުއްދަތު އުނިކުރަން ނިންމިއެވެ.