ޕްރޮސިކިއުޓަރ ޖެނެރަލް ވ. ނިޝާނާ އިބްރާހީމް

ކްރިމިނަލް ކޯޓުން އިޢުތިރާފުގެ މައްޗަށް ކުށްވެރިކޮށް، 100 އެތިފަހަރުން ޖަލްދުކުރުމާއެކު 1 އަހަރު ގޭގައި ބަންދުކުރުމަށް ޙުކުމްކުރި.

ދަޢުވާލިބޭ ފަރާތް ހޮސްޕިޓަލެއްގައި ވިހާފައިވާ ކުއްޖާއަކީ ޒިނޭކުރުމުގެ ސަބަބުން ލިބުނު ކުއްޖެއްކަމަށް ބުނެ އިޢުތިރާފުވުމުން، ޖިންސީ ކުށުގެ ޤާނޫނުގެ 27 ވަނަ މާއްދާގެ ދަށުން ޒިނޭގެ ދަޢުވާ ކުރި.

ޕްރޮސިކިއުޓަރ ޖެނެރަލް އެދުނީ ސުޕްރީމް ކޯޓުގެ ސަރކިއުލަރގެ ދަށުން، އިޢުތިރާފު ޞައްޙަކަމާއި، ޤާނޫނުއަސާސީގެ ޙައްޤުތައް ލިބިދީފައިވާކަމާއި، ޙައްދު މަނާކުރާ ސަބަބެއް ނެތްކަން ކަށަވަރުކޮށްދިނުމަށް.

ޒިނޭގެ ކުށަށް ދަޢުވާލިބޭ ފަރާތް ވެފައިވާ އިޢުތިރާފުގެ މައްޗަށް 100 އެތިފަހަރުގެ ޖަލްދާއި 1 އަހަރުގެ ގޭބަންދަށް ކްރިމިނަލް ކޯޓުން ކުރި ޙުކުމަކީ (އިސްތިއުނާފު ނުކުރެވުމުން ސަރކިއުލަރގެ ދަށުން ހުށަހެޅުމުން) ޞައްޙަ ޙުކުމެއްތޯ؛ އިޢުތިރާފު ޞައްޙަތޯ، ޙައްޤުތައް ލިބިދީފައިވޭތޯ، ޙައްދު މަނާކުރާ ސަބަބެއް އޮތްތޯ.

ދަށުކޯޓުގެ ޙުކުމް ޞައްޙަކަމަށް ކަނޑައަޅައި ޤާއިމްކުރި

ކުށް އަންގާ ބަޔާންކުރުމަށްފަހު ޝަރީޢަތް ފަށާފައިވާކަމާއި، ވަކީލުގެ ޙައްޤު ދޫކޮށްލާފައިވާކަމާއި، އިޢުތިރާފަކީ ޞައްޙަ، ރުޖޫޢަނުވާ އިޢުތިރާފެއްކަމާއި، ޙައްދު މަނާކުރާ ބަލިމަޑުކަމެއް ނެތްކަން ހައިކޯޓުގައި ކަށަވަރުވުމުން ޙުކުމް ޤާއިމްކުރި.