ޕްރޮސިކިއުޓަރ ޖެނެރަލް ވ. އަޙްމަދު ސުނިލް

މެޖިސްޓްރޭޓް ކޯޓުން ކުށްވެރިކޮށް، 27 ދުވަހުގެ ޖަލު އަދަބު 5400 ރުފިޔާގެ ޖޫރިމަނާއަކަށް ބަދަލުކޮށް، 40 އެތިފަހަރުން ޖަލްދުކުރުމަށް ޙުކުމްކުރިއެވެ.

ތުހުމަތުކުރެވޭ ފަރާތް ފުލުހުން ހައްޔަރުކުރިއިރު މަސްތުވުމަށް ބަނގުރާ ބުއިކަމަށް ތަޙްޤީޤުގައާއި ޝަރީޢަތުގައި އިޢުތިރާފުވިއެވެ.

ޕީޖީގެ ފަރާތުން އެދުނީ އިޢުތިރާފު ޞައްޙަކަމާއި، ޙައްޤުތައް ލިބިދީފައިވާކަމާއި، ޙުކުމް ތަންފީޛުކުރުން މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ.

ބަނގުރާ ބުއިމުގެ ކުށުގައި ތުހުމަތުކުރެވުނު ފަރާތުގެ އިޢުތިރާފުގެ މައްޗަށް މެޖިސްޓްރޭޓް ކޯޓުން ކުރި ޙުކުމް (ޖަލްދުކުރުމާއި ޖޫރިމަނާ) ޝަރުޢީ އަދި ޤާނޫނީ ހަމަތަކާ އެއްގޮތްތޯ، އަދި ޙައްދު ތަންފީޛުކުރުން މަނާކުރާ ސަބަބެއް އޮތްތޯ ކަނޑައެޅުން (ސުޕްރީމް ކޯޓުގެ SC/2015/14 ސަރކިއުލަރގެ ދަށުން ޙުކުމުގެ ޞައްޙަކަން ކަށަވަރުކުރުން).

ދަށުކޯޓުގެ ޙުކުމް ޞައްޙަކަމަށް ކަނޑައަޅައި ޤާއިމްކުރި

ތުހުމަތުކުރެވޭ ފަރާތުގެ ޙައްޤުތައް ލިބިދީ، އަމިއްލަ އިޚްތިޔާރުގައި ވި އިޢުތިރާފުން ރުޖޫޢަވެފައި ނުވާތީ ކުށުގެ ރުކުންތައް ފުރިހަމަވެ، ޢުޤޫބާތް ކަނޑައަޅާފައިވަނީ ޤާނޫނާ އެއްގޮތަށްކަމަށް ކަނޑައެޅިއެވެ. ޖޫރިމަނާ ކުރިން ތަންފީޛުކުރުމަކީ 1205 (ށ) އާ ޚިލާފު ކަމެއްކަން ފާހަގަކުރިއެވެ.