ޕްރޮސިކިއުޓަރ ޖެނެރަލް ވ. ފާޠިމަތު ސަބާ

ބިލެތްފަހީ މެޖިސްޓްރޭޓް ކޯޓުން އިޢުތިރާފުގެ މައްޗަށް ކުށްވެރިކޮށް، 100 އެތިފަހަރުގެ ޙައްދާއި ގޭބަންދަށް ޙުކުމްކުރިއެވެ. އެ ޙުކުމް ނިހާއީ ކަން ކަށަވަރުކުރުމަށް ސުޕްރީމް ކޯޓުގެ 2015/14/SC ސަރކިއުލަރގެ ދަށުން ހައިކޯޓަށް ފޮނުވިއެވެ.

ދަޢުވާލިބޭ ފަރާތް ވިހެއި ކުއްޖާއަކީ ޒިނޭކުރުމުގެ ސަބަބުން ލިބުނު ދަރިއެއްކަމަށް ބުނުމުން، ޕްރޮސިކިއުޓަރ ޖެނެރަލް ޒިނޭކުރުމުގެ ދަޢުވާ ކުރިއެވެ. ދަޢުވާލިބޭ ފަރާތް ޝަރީޢަތުގެ މަޖިލީހުގައި ދަޢުވާއަށް އިޢުތިރާފުވިއެވެ.

ޕްރޮސިކިއުޓަރ ޖެނެރަލް އެދުނީ އިޢުތިރާފު ޞައްޙަކަމާއި، ދަޢުވާލިބޭ ފަރާތަށް ދުސްތޫރީ ޙައްޤުތައް ލިބިދީފައިވާކަމާއި، ޙައްދު ޖެހުން މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ. ދަޢުވާލިބޭ ފަރާތް ހައިކޯޓުގައިވެސް ބުނީ ދަށުކޯޓުގައި ޒިނޭކުރިކަމަށް އިޢުތިރާފުވާކަމަށެވެ.

ޒިނޭގެ ކުށަށް ދަޢުވާލިބޭ ފަރާތުގެ އިޢުތިރާފުގެ މައްޗަށް ޙައްދާއި ގޭބަންދު ކަނޑައަޅައި މެޖިސްޓްރޭޓް ކޯޓުން ކުރި ޙުކުމް ނިހާއީ ޙުކުމަކަށްވުމުގެ ކުރިން، އެ ޙުކުމުގެ ޞައްޙަކަން (އިޢުތިރާފުގެ ޞައްޙަކަމާއި، ތުހުމަތުކުރެވޭ ފަރާތުގެ ދުސްތޫރީ ޙައްޤުތައް ލިބިދިނުމާއި، ޙައްދު ޖެހުން މަނާކުރާ ސަބަބެއް ނެތުން) ކަށަވަރުކުރުން.

ދަށުކޯޓުގެ ޙުކުމް ޞައްޙަކަމަށް ކަނޑައަޅައި ޤާއިމްކުރި

ދުސްތޫރީ ޙައްޤުތައް ލިބިދީފައިވާކަމާއި، އިޢުތިރާފަކީ ބުއްދި ސަލާމަތުން ހުރެ، ބާލިޣުވެ، އަމިއްލަ އިޚްތިޔާރުގައި ވެފައިވާ ޞައްޙަ އިޢުތިރާފެއްކަމާއި، އިޢުތިރާފުން ރުޖޫޢަވެފައި ނުވާތީ ދަށުކޯޓުގެ ޙުކުމް ޝަރުޢީ އަދި ޤާނޫނީ އުޞޫލުތަކާ އެއްގޮތެވެ.