ޕްރޮސިކިއުޓަރ ޖެނެރަލް ވ. މާހަތު މުޙައްމަދު

ނައިފަރު މެޖިސްޓްރޭޓް ކޯޓުން އިޢުތިރާފުގެ މައްޗަށް ދެމީހުން ކުށްވެރިކޮށް، ކޮންމެ މީހަކަށް 100 އެތިފަހަރުގެ ޙައްދާއި 1 އަހަރު ގޭބަންދު ކަނޑައަޅައި، ހުރިހާ މަރުޙަލާއެއް ނިމެންދެން ތަންފީޛު ފަސްކުރިއެވެ.

ކުއްޖަކު ވިހެއުމާ ގުޅިގެން ދެ ފަރާތް ޒިނޭކުރިކަމަށް ފުލުހުންގެ ތަޙުޤީޤާއި ޝަރީޢަތުގައި އިޢުތިރާފުވުމުން ދެމީހުންގެ މައްޗަށް ޒިނޭގެ ދަޢުވާ ކުރިއެވެ.

ޕްރޮސިކިއުޓަރ ޖެނެރަލް އެދުނީ އިޢުތިރާފު ޞައްޙަކަމާއި، ޤާނޫނުއަސާސީގެ ޙައްޤުތައް ލިބިދީފައިވާކަމާއި، ޙައްދު ޖެހުން މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ.

ޒިނޭގެ ކުށުގެ ދަޢުވާގައި ތުހުމަތުކުރެވޭ ދެ ފަރާތް ޝަރީޢަތުގައި ވި އިޢުތިރާފުގެ މައްޗަށް ޙައްދާއި ގޭބަންދު ކަނޑައެޅި ޙުކުމް، ސުޕްރީމް ކޯޓުގެ 2015/14/SC ސަރކިއުލަރގެ ދަށުން ޞައްޙަކަން ކަނޑައެޅުން: އިޢުތިރާފު ޞައްޙަތޯ، ޤާނޫނުއަސާސީގެ ޙައްޤުތައް ލިބިދީފައިވޭތޯ، ޙައްދު ޖެހުން މަނާކުރާ ސަބަބެއް އޮތްތޯ.

ދަށުކޯޓުގެ ޙުކުމް ޞައްޙަކަމަށް ކަނޑައެޅި

ޤާނޫނުއަސާސީގެ 51 ވަނަ މާއްދާގެ ޙައްޤުތައް ދީފައިވާތީއާއި، ޝަރީޢަތުގައި ވި އިޢުތިރާފަކީ ޞައްޙަ ޝަރުޠުތައް ފުރިހަމަވާ އިޢުތިރާފެއްކަމާއި، އެއިން ރުޖޫޢުވެފައި ނުވާތީ ދަށުކޯޓުގެ ޙުކުމް ޝަރުޢީ އަދި ޤާނޫނީ އުޞޫލުތަކާ އެއްގޮތްވާކަމަށް ކަނޑައެޅިއެވެ.