ޕްރޮސިކިއުޓަރ ޖެނެރަލް ވ. މުޙައްމަދު ޒަޢީމް

ތަޙްޤީޤު ނިމި މައްސަލަ ޕީޖީއަށް ހުށަހަޅާފައިވާތީ، އިތުރަށް ބަންދުގައި ބަހައްޓަންޖެހޭ ސަބަބެއް ނެތްކަމަށް ބުނެ ކްރިމިނަލް ކޯޓުން 16 އޭޕްރިލް 2019 ގައި ޝަރުޠުކޮށް ބަންދުން ދޫކޮށްލިއެވެ.

މަސްތުވާތަކެތި އެތެރެކޮށް، ބޭނުންކޮށް، ގެންގުޅެ ވިޔަފާރިކުރާކަމަށް ތުހުމަތުކުރެވޭ ފަރާތެއް ބަންދުގައި ބަހައްޓަން ޕޮލިހުން އެދުނެވެ. މައްސަލަ ތަޙްޤީޤު ނިމި ޕީޖީއަށް ފޮނުވިފައި ވިއެވެ.

ޕީޖީ ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22(ޅ)، 59، 60، 63 ވަނަ މާއްދާތަކާއި ޤާނޫނުއަސާސީގެ 143(ރ) ގެ ސާބިޤާ އުޞޫލާ ޚިލާފު އަމުރެއް ކަމަށެވެ.

މަސްތުވާތަކެތި ޓްރެފިކްކުރުމުގެ ތުހުމަތުގައި ބަންދުކުރެވިފައިވާ މީހަކު ޝަރުޠުކޮށް ބަންދުން ދޫކޮށްލުމަށް ކްރިމިނަލް ކޯޓުން ނެރުނު އަމުރު ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 59، 60، 63 ވަނަ މާއްދާތަކާ އަދި ސުޕްރީމް ކޯޓުގެ ސާބިޤާތަކާ ޚިލާފުތޯ؛ އަދި ޝަރީޢަތް ހިނގަމުންދާ މައްސަލައެއްގައި ބަންދާމެދު ގޮތެއް ނިންމަންވީ ކޮން ކޯޓަކުންތޯ.

ދަށުކޯޓުގެ އަމުރު ބާޠިލު؛ ބަންދާމެދު 5 ދުވަހުގެ ތެރޭގައި ހުޅުމާލެ މެޖިސްޓްރޭޓް ކޯޓުން ގޮތެއް ނިންމުމަށް އަމުރުކުރި

ތުހުމަތަކީ ޖިނާއީ ބޮޑު ކުށެއް ކަމާއި ތުހުމަތުއުފެދޭ މިންވަރަށް ހެކި ހުރުމުން ދޫވެފައި ހުރުމަކީ މުޖުތަމަޢަށް ނުރައްކާތެރި ކަމަށް ބަލަންޖެހޭތީ އަމުރު ބާޠިލުކުރިއެވެ. ނަމަވެސް މައްސަލަ ހުޅުމާލެ މެޖިސްޓްރޭޓް ކޯޓުގައި ޝަރީޢަތުގައި އޮތުމުން ބަންދާމެދު ނިންމަންވީ އެ ކޯޓުންކަމަށް ކަނޑައެޅިއެވެ.