ޕްރޮސިކިއުޓަރ ޖެނެރަލް ވ. މަލީޙާ ވަޙީދު

އެ މައްސަލާގައި ތުހުމަތުކުރެވޭ އަނެއް ފަރާތް ބަންދުން ދޫކޮށްލާފައިވާތީ، އަދި މަތީ ކޯޓަކުން ވަކި ގޮތަކަށް ނިމުމުން ބަންދުކުރަން ބޭނުންނަމަ ހުށަހެޅުމަށް ބުނެ، 26 ސެޕްޓެމްބަރު 2019 ގައި ކްރިމިނަލް ކޯޓުން ޝަރުޠުކޮށް ބަންދުން ދޫކޮށްލިއެވެ.

މަސްތުވާތަކެތި ބޭނުންކޮށް ގެންގުޅެ ވިޔަފާރިކުރާކަމަށް ތުހުމަތުކުރެވޭ ފަރާތެއް ބަންދުގައި ބަހައްޓައިދިނުމަށް ފުލުހުން އެދުނެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ، އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22 ވަނަ މާއްދާގެ (ޅ)، 59 ވަނަ މާއްދާ އަދި 60 ވަނަ މާއްދާގެ (ށ) އަށް ރިޢާޔަތްނުކޮށް، އަދި ޤާނޫނުއަސާސީގެ 143 ވަނަ މާއްދާގެ (ރ) ގައިވާ މަތީ ކޯޓުތަކުގެ ނިންމުންތަކަށް ތަބާވުމުގެ އުޞޫލާ ޚިލާފަށް ނެރެފައިވާ އަމުރެއް ކަމަށެވެ.

މަސްތުވާތަކެތި ޓްރެފިކްކުރުމުގެ ތުހުމަތުގައި ބަންދުކުރެވިފައިވާ ފަރާތެއް ބަންދުން ދޫކޮށްލުމަށް ކްރިމިނަލް ކޯޓުން ނެރުނު އަމުރަކީ ޖިނާއީ އިޖުރާއަތުގެ ޤާނޫނުގެ 59 އަދި 60 ވަނަ މާއްދާގެ މިންގަނޑުތަކާ އެއްގޮތަށް ނެރެފައިވާ އަމުރެއްތޯ، އަދި އިސްތިއުނާފުގައި ބަންދާމެދު ނިންމަންވީ ކޮން ކޯޓަކުންތޯ.

ދަށުކޯޓުގެ ބަންދުން ދޫކުރުމުގެ އަމުރު ބާޠިލު؛ ބަންދާމެދު އަލުން ގޮތެއް ނިންމުމަށް ޝަރީޢަތް ބަލާ ކޯޓަށް (ކްރިމިނަލް ކޯޓު)؛ ހުށަހަޅާތާ 5 ދުވަހުގެ ތެރޭގައި

ތުހުމަތުކުރެވޭ ކުށަކީ ޖިނާއީ ބޮޑު ކުށެއް ކަމާއި ތުހުމަތުކުރެވޭ މިންވަރަށް ހެކި ޤަރީނާ ހުރިކަމާއި 2011/SC-A/33 ގެ އުޞޫލުގެ މައްޗަށް ދަށުކޯޓުގެ އަމުރަށް ބަދަލު ގެންނަންޖެހޭ ނަމަވެސް، މައްސަލަ ޝަރީޢަތުގައި އޮތްތީ ބަންދާމެދު ނިންމަންޖެހޭނީ ޝަރީޢަތް ބަލާ ކޯޓުން ކަމަށް ކަނޑައެޅިއެވެ.