ޕްރޮސިކިއުޓަރ ޖެނެރަލް ވ. މޫސާ އިބްރާހީމް

'އިތުރަށް ބަންދުގައި ބަހައްޓަންޖެހޭ ސަބަބެއް ނެތް' ކަމަށް ބުނެ ކްރިމިނަލް ކޯޓުން 17 ޖުލައި 2018 ގައި ތުހުމަތުކުރެވޭ ފަރާތް ޝަރުޠުކޮށް ދޫކޮށްލިއެވެ.

ތޫނު ހަތިޔާރުން ހަމަލާދީ މާރާމާރީ ހިންގި މައްސަލައެއްގައި ބައިވެރިވިކަމުގެ ތުހުމަތުގައި ތުހުމަތުކުރެވޭ ފަރާތް ޝަރީޢަތް ނިމެންދެން ބަންދުކުރުމަށް 2017 ގައި އަމުރުކޮށްފައި ވަނިކޮށް، ޝަރީޢަތް ނުނިމެނީސް ކްރިމިނަލް ކޯޓުން އޭނާ ޝަރުޠުކޮށް ދޫކޮށްލިއެވެ.

ޕްރޮސިކިއުޓަރ ޖެނެރަލް ބުނީ، އަމުރަކީ ޤާނޫނުއަސާސީގެ 49، ޖިނާއީ އިޖުރާއަތުގެ ޤާނޫނުގެ 60(ށ)، އަދި ޤާނޫނު 41/2014 ގެ 12 ވަނަ މާއްދާއާ ޚިލާފު އަމުރެއް ކަމަށާއި، ހެކިންނަށް ނުފޫޒު ފޯރުވެމުންދާ ކަމަށެވެ.

ތޫނު އެއްޗެއް ނުވަތަ ހަތިޔާރެއް ބޭނުންކޮށްގެން މާރާމާރީ ހިންގުމުގެ ދަޢުވާގެ ޝަރީޢަތް ހިނގަމުންދަނިކޮށް، 'އިތުރަށް ބަންދުގައި ބަހައްޓަންޖެހޭ ސަބަބެއް ނެތް' ކަމަށް ބުނެ ތުހުމަތުކުރެވޭ ފަރާތް ޝަރުޠުކޮށް ދޫކޮށްލި ކްރިމިނަލް ކޯޓުގެ އަމުރު ޤާނޫނާ އެއްގޮތްތޯ.

ކްރިމިނަލް ކޯޓުގެ އަމުރު ބާޠިލު؛ ބަންދާމެދު އަލުން ނިންމުމަށް ކްރިމިނަލް ކޯޓަށް އެންގި

އަމުރުގައި ދޫކޮށްލި ސަބަބު ބަޔާންކޮށްފައި ނުވާތީއާއި، ޤާނޫނު 17/2010 ގެ 16(ހ) އިން ބަންދު ލާޒިމުކުރާތީއާއި، ހެކިންނަށް ނުފޫޒު ފޯރުވެމުންދާކަން ފާހަގަކުރެވޭތީ އަމުރު ބާޠިލުކޮށް، އަލުން ހުށަހަޅައިފިނަމަ ބަންދާމެދު 5 ދުވަހުގެ ތެރޭގައި ކްރިމިނަލް ކޯޓުން ނިންމަން އެންގިއެވެ.