ޕްރޮސިކިއުޓަރ ޖެނެރަލް ވ. ޢަލީ ވަރުދީ

ފޭދޫ މެޖިސްޓްރޭޓް ކޯޓުން (62/S4C/2021) ތަޙްލީލުގައި ހިމެނެނީ ޓެޓްރާހައިޑްރޯ ކެނެބިނޯލް އާއި ކެނެބިނޯލް ކަމަށްވާތީ ދަޢުވާ އުފުލާފައިވަނީ ޖިނާއީ އިޖުރާއަތުގެ ޤާނޫނުގެ 82 ވަނަ މާއްދާއާ އެއްގޮތަށް ނޫންކަމަށް، 2018/HC-A/404 ގެ އަޤައްލިއްޔާ ރައުޔަށް ބިނާކޮށް، މަދަނީ މިންގަނޑުން ދަޢުވާ ބާޠިލުކުރިއެވެ.

ކޯޓު އަމުރެއްގެ ދަށުން ގެއެއް ބަލައި ފާސްކުރިއިރު ފެނުނު ފިލްމު ދަޅުތަކުގައި ކެނެބިސް ހުރި ކަމަށާއި، ފިލްމު ދަޅުތަކުން ނެގުނު ފިންގަރޕްރިންޓް ތުހުމަތުކުރެވޭ ފަރާތުގެ ފިންގަރޕްރިންޓާ ދިމާވާތީ، ކެނެބިސް ޓްރެފިކްކުރުމުގެ ދަޢުވާ ކުރެވުނެވެ.

ޕީޖީ އޮފީހުން ބުނީ ޤާނޫނު މާނަކުރަންވާނީ ޤާނޫނުގެ ޢާންމު މަޤްޞަދަށް ބަލައި ކަމަށާއި، އަޤައްލިއްޔާ ރައުޔަށް ބިނާކޮށް ނިންމުން ރަނގަޅުނޫން ކަމަށެވެ. ތުހުމަތުކުރެވޭ ފަރާތުން ބުނީ ދަށުކޯޓުގެ މާނަކުރުމާއި ނިންމުން ރަނގަޅު ކަމަށެވެ.

ހައިކޯޓުގެ ޙުކުމެއްގެ އަޤައްލިއްޔާ ރައުޔަށް ތަބާވެ، ޚަޞްމުން ފާހަގަނުކުރާ އިޖުރާއީ އުނިކަމެއް ފަނޑިޔާރު އަމިއްލައަށް ފާހަގަކޮށް، ދެފަރާތަށް ބަސްބުނުމުގެ ފުރުޞަތު ނުދީ، ކެނެބިސް ޓްރެފިކްކުރުމުގެ ދަޢުވާ ޖިނާއީ އިޖުރާއަތުގެ ޤާނޫނުގެ 82 ވަނަ މާއްދާއާ ޚިލާފުކަމަށް ބަލައި މަދަނީ މިންގަނޑުން ބާޠިލުކުރުމަކީ ރަނގަޅު ނިންމުމެއްތޯ.

ދަށުކޯޓުގެ ނިންމުމަށް ބަދަލުގެންނަންޖެހޭ ކަމަށް ނިންމި (ޙުކުމުގެ ބައި ފައިލުގައި ނެތް)

ސްޓެރި ޑިސައިސިސްގެ ދަށުން ތަބާވާންޖެހެނީ އަޣުލަބިއްޔަތު ރައުޔުގެ ރޭޝިއޯއަށް ކަމަށާއި، ދަށުކޯޓުން ޚަޞްމުންނަށް ފުރުޞަތު ނުދީ، ޤާނޫނީ އިފްތިރާޟާ ޚިލާފަށް ދަޢުވާ ބާޠިލުކުރީ ރަނގަޅަށް ނޫން ކަމަށް ހައިކޯޓަށް ފެނުނެވެ.