ޕްރޮސިކިއުޓަރ ޖެނެރަލް ވ. ނުޒުރަތު ނަޖީބު

ކްރިމިނަލް ކޯޓުން ނިންމީ ދެމީހުން އިންކާރުކޮށް، ކޮޓަރިއަކީ އެހެން މީހުންވެސް ވަދެނިކުމެ ހަދާ ތަނެއްކަމާއި، ޑީ.އެން.އޭ/ފިންގަރޕްރިންޓް ދިމާނުވާކަމާއި، ތިންވަނަ ފަރާތަކުން ތަކެތީގެ ޒިންމާ ނަގާފައިވާކަމާއި، ޗެއިން އޮފް ކަސްޓަޑީ ނެތްކަމަށް ބަލައި ދަޢުވާ އެކަށީގެންވާ ޝައްކެއްނެތި ޘާބިތުނުވާ ކަމަށެވެ.

ފުލުހުންނަށް ލިބުނު މަޢުލޫމާތަކާ ގުޅިގެން ތުހުމަތުކުރެވޭ ދެ ފަރާތް ސައިކަލުގައި ދަނިކޮށް ބެލުމުގެ ދަށަށް ގެނެސް، އެ ދެމީހުން ދިރިއުޅޭ ކަމަށް ބުނާ ކޮޓަރިއެއް ބަލައި ފާސްކުރިއިރު ސައުންޑް އެމްޕެއްގެ ތެރެއިން ގާތްގަނޑަކަށް 716 ގްރާމް ކެނެބިސް ހިމެނޭ ޕެކެޓްތަކާއި އިތުރު މަދު މިންވަރުތައް ފެނުނެވެ. ދައުލަތުން ކެނެބިސް ޓްރެފިކްކުރުމުގެ ދަޢުވާ އުފުލިއެވެ.

ޕްރޮސިކިއުޓަރ ޖެނެރަލް ބުނީ ތަކެތި ފެނުނީ ދެމީހުންގެ ޙިޔާޒަތުގެ ދަށުން ކަމުން މަސްތުވާތަކެއްޗާބެހޭ ޤާނޫނުގެ 141، 142، 146 ވަނަ މާއްދާތަކާ ޚިލާފަށް މައްސަލަ ނިންމާފައިވާ ކަމަށާއި، 2008/SC-A/08 އާއި 2010/SC-A/07 ގެ މުޠުލަޤު މަސްއޫލިއްޔަތުގެ އުޞޫލު ހިނގާނެ ކަމަށެވެ. ދިފާޢުން ބުނީ ކޮޓަރިއަކީ އެ ފަރާތްތަކުގެ ޙިޔާޒަތުގައި ހުރި ތަނެއް ނޫން ކަމަށެވެ.

ތުހުމަތުކުރެވޭ ދެ ފަރާތް ދިރިއުޅޭ ކޮޓަރިއެއްކަމަށް ބުނާ ތަނަކުން މަސްތުވާތަކެތި ފެނުމުން، އެ ތަކެތި އެ ފަރާތްތަކުގެ ޙިޔާޒަތުގައި ހުރިކަމާއި ކެނެބިސް ޓްރެފިކްކުރުމުގެ ކުށް އެކަށީގެންވާ ޝައްކެއްނެތި ދައުލަތަށް ޘާބިތުކޮށްދެވިފައިވޭތޯ، އަދި ޤާނޫނު ނަންބަރު 17/2011 ގެ 141 ވަނަ މާއްދާގެ ޤާނޫނީ އިފްތިރާޟު މިކަމަށް ހިނގާނެ ގޮތް.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ގިނަ ރައުޔުގައި، ކޮޓަރިއަކީ ދެމީހުންގެ ފުރިހަމަ ކޮންޓްރޯލް އޮތް ނުވަތަ އެ ދެމީހުން އެކަނި ވަދެވޭ ތަނެއްކަން ދައުލަތަށް ޘާބިތުނުކުރެވުމާއި، ތިންވަނަ ފަރާތެއް ޒިންމާނެގުމާމެދު ޝައްކު ދައުލަތުން ނުފިލުވުމާއި، ވޮރަންޓެއް ނެތި ބަލާފާސްކުރިކަމުގެ ޝައްކާއި ޗެއިން އޮފް ކަސްޓަޑީ ނެތުމުގެ ސަބަބުން ކުށް އެކަށީގެންވާ ޝައްކެއްނެތި ޘާބިތުނުވާކަމަށް ބަލައި ދަށުކޯޓުގެ ޙުކުމަށް ބަދަލު ނުގެނެވުނެވެ.