ޕްރޮސިކިއުޓަރ ޖެނެރަލް ވ. ޙުސައިން ޝާމިން

ސ. ފޭދޫ މެޖިސްޓްރޭޓް ކޯޓުން ދަޢުވާ އުފުލާފައިވަނީ ޖިނާއީ އިޖުރާއަތުގެ ޤާނޫނުގެ 82 ވަނަ މާއްދާއާ ޚިލާފަށް ކަމަށް ކަނޑައަޅައި ދަޢުވާ ބާޠިލުކޮށް، އެހެން ހުށަހެޅުންތަކާމެދު ގޮތެއް ނުނިންމައި މައްސަލަ ނިންމިއެވެ.

ތުހުމަތުކުރެވޭ ފަރާތުގެ މައްޗަށް ކެނެބިސް ޓްރެފިކްކުރުމުގެ ދަޢުވާ އުފުލުމުން، ދިފާޢުން ޝަރީޢަތުގެ ކުރިން 5 ހުށަހެޅުމެއް ހުށަހެޅިއެވެ. އޭގެ ތެރޭގައި ތަޙުލީލު ރިޕޯޓުގައި THC އާއި ކެނެބިނޯލް ހުރުމުން ދަޢުވާ ކުރަންވާނީ "ކެނެބިސް މިކްސްޗަރ" ގެ ގޮތުގައި ކަމަށާއި ދަޢުވާ ބާޠިލު ކަމަށް ބުނާ ހުށަހެޅުމެއް ހިމެނެއެވެ.

ދައުލަތުން ބުނީ މަސްތުވާތަކެއްޗާބެހޭ ޤާނޫނުގެ ޤާނޫނީ އިފްތިރާޟާ ޙަވާލާދީ ކުރި ދަޢުވާ ޞައްޙަ ކަމަށާއި 2018/HC-A/404 ގެ އެ ބައިއަކީ އޮބިޓަރ ޑިކްޓަމެއް ކަމަށެވެ. ދިފާޢުން ބުނީ ތަޙުލީލު ރިޕޯޓުން 100 ޕަސެންޓް ކެނެބިސް ކަމަށް ނުދައްކާތީ ނިންމުން ރަނގަޅު ކަމަށާއި، ބާޠިލުކޮށްފިނަމަ އެހެން ހުށަހެޅުންތަކާމެދު ގޮތެއް ނިންމުމަށެވެ.

"ކެނެބިސް ޓްރެފިކްކުރުމުގެ" ދަޢުވާއަކީ ބާޠިލު ދަޢުވާއެއް ކަމަށް ޝަރީޢަތުގެ ކުރިން ހުށަހަޅާ ހުށަހެޅުމަކާ ގުޅިގެން ކަނޑައަޅައި ދަޢުވާ ބާޠިލުކުރުމާއި، ދިފާޢުން ހުށަހެޅި އެހެން ހުށަހެޅުންތަކާމެދު ގޮތެއް ނުނިންމުން ޤާނޫނާ އެއްގޮތްތޯ.

ދަށުކޯޓުގެ ނިންމުން ބާޠިލު، ދަޢުވާ އަލުން ބެލުމަށް ފޮނުވި

ދިފާޢުގެ ހުށަހެޅުމަކީ 2018/HC-A/404 ގެ އަޤައްލިއްޔަތުގެ ރައުޔަށް ބުރަވެގެން ހުށަހެޅި ހުށަހެޅުމެކެވެ. ދަޢުވާ ފޯމުގެ އުނިކަމަކީ ދަޢުވާ ކުރުމަށް ހުރަހެއް ނޫންކަމުން ދަޢުވާ ބާޠިލު ނުކުރެވޭނެއެވެ. އަދި ހުރިހާ ހުށަހެޅުމަކާމެދު ގޮތެއް ނިންމަންޖެހެއެވެ.