ޕްރޮސިކިއުޓަރ ޖެނެރަލް ވ. ޢަލީ އިރުފާން

ކްރިމިނަލް ކޯޓުން އިޢުތިރާފުގެ މައްޗަށް ކުށް ސާބިތުކޮށް 27 ދުވަހަށް ޖަލަށްލުމަށާއި 40 އެތިފަހަރުން ޖަލްދުކުރުމަށް ޙުކުމްކުރިއެވެ.

ފުލުހުން ތަޙްޤީޤުގައި ސުވާލުކުރުމުން ތުހުމަތުކުރެވޭ ފަރާތް ޢާންމުކޮށް ބަނގުރާ ބޭނުންކުރާ މީހެއްކަމަށް އިޢުތިރާފުވެ، ބަނގުރާ ބުއިމުގެ ކުށުގެ ދަޢުވާ ކުރެވުނެވެ. ދަށުކޯޓުގައި ވަކީލަކާ ނުލައި ކުރިއަށްދާން އެދި ދަޢުވާއަށް އިޢުތިރާފުވިއެވެ.

ޕްރޮސިކިއުޓަރ ޖެނެރަލް ހުށަހެޅީ އިޢުތިރާފުގެ ޞައްޙަކަމާއި، ޤާނޫނުއަސާސީގެ ޙައްޤުތައް ލިބިދީފައިވާކަމާއި، ޖަލްދުކުރުން މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ.

ބަނގުރާ ބުއިމުގެ ކުށުގައި ތުހުމަތުކުރެވޭ ފަރާތުގެ އިޢުތިރާފުގެ މައްޗަށް ކްރިމިނަލް ކޯޓުން ކުރި ޙުކުމަކީ، އިޢުތިރާފުގެ ޞައްޙަކަމާއި ޤާނޫނުއަސާސީގެ ޙައްޤުތަކާއި ޢުޤޫބާތު ކަނޑައެޅުމުގެ ގޮތުން ޞައްޙަ ނިހާއީ ޙުކުމެއްތޯ (ސުޕްރީމް ކޯޓުގެ 2015/14/SC ސަރކިއުލަރގެ ދަށުން ޕްރޮސިކިއުޓަރ ޖެނެރަލް ހުށަހެޅި).

ދަށުކޯޓުގެ ޙުކުމް ޞައްޙަކަމަށް ކަނޑައެޅި (ޤާއިމް)

ދަޢުވާ ސާފުކޮށްދީ ޙައްޤުތައް ލިބިދީފައިވާކަމާއި، އިޢުތިރާފަކީ ޞައްޙަ އިޢުތިރާފެއްކަމާއި އޭގެން ރުޖޫޢަވެފައިނުވާކަމާއި، ކުށުގެ ދެ ރުކުން ފުރިހަމަވާކަމާއި، ޢުޤޫބާތު ކަނޑައަޅާފައިވަނީ ޤާނޫނާ އެއްގޮތަށްކަމަށް ކަނޑައެޅިއެވެ.