ޕްރޮސިކިއުޓަރ ޖެނެރަލް ވ. އަޙްމަދު އަފްރާޙް

ހޯރަފުށީ މެޖިސްޓްރޭޓް ކޯޓުން "އިތުރަށް ބަންދުގައި ބަހައްޓަންޖެހޭ ފަދަ ސަބަބެއް އޮތްކަމަށް ނުފެންނާތީ" ކަމަށް ބުނެ ޝަރުޠުތަކާއެކު ބަންދުން ދޫކޮށްލިއެވެ.

މަސްތުވާތަކެތީގެ ވިޔަފާރިކޮށް ބޭނުންކުރިކަމުގެ ތުހުމަތުގައި ހައްޔަރުކުރެވި، ކައިރީ މެޖިސްޓްރޭޓް ކޯޓުތަކުން ގިނަ ފަހަރު ބަންދު އިތުރުކުރެވިފައިވާ ތުހުމަތުކުރެވޭ ފަރާތް ޝަރީޢަތް ނިމެންދެން ބަންދުކުރުމަށް ޕީ.ޖީއިން އެދުނެވެ.

ޕީ.ޖީ ބުނީ އަމުރަކީ ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާއާއި ޤާނޫނުއަސާސީގެ 49 އަދި 143 ވަނަ މާއްދާއާ ޚިލާފު އަމުރެއް ކަމަށެވެ. ތުހުމަތުކުރެވޭ ފަރާތުން ބުނީ ދައުލަތުން ބަންދުކުރަން ޖެހޭ ސަބަބާއި ހެކި ބަންދުގެ މަޖިލީހަށް ބުނެދީފައި ނުވާކަމަށާއި، އޭނާއަކީ މުޖުތަމަޢަށް ބޭނުންތެރި މަސައްކަތެއް ކުރާ މީހެއް ކަމަށެވެ.

ޝަރީޢަތް ނިމެންދެން ބަންދުކުރުމަށް ޕްރޮސިކިއުޓަރ ޖެނެރަލް އެދުމުން، ކުރިން ފަސް ފަހަރު ބަންދު އިތުރުކޮށްފައިވާ ތުހުމަތުކުރެވޭ ފަރާތް "އިތުރަށް ބަންދުގައި ބަހައްޓަންޖެހޭ ސަބަބެއް ނުފެންނާތީ" ކަމަށް ބުނެ ޝަރުޠުތަކާއެކު ދޫކޮށްލި ހޯރަފުށީ މެޖިސްޓްރޭޓް ކޯޓުގެ އަމުރު ޤާނޫނާ އެއްގޮތްތޯ.

ޕީ.ޖީގެ އިސްތިއުނާފު ބަލައިގަނެ، ޝަރީޢަތް ނިމެންދެން ބަންދުކުރުމާމެދު ދަށުކޯޓުން އަލުން ބަލައި ގޮތެއް ކަނޑައެޅުމަށް ފޮނުވި

ތުހުމަތުކުރެވޭ މިންވަރަށް ހެކި ހުރުމާއި، ކުރީގެ ތުހުމަތުތަކުގެ ރެކޯޑާއި ތުހުމަތުކުރެވޭ ޢަމަލުތަކުގެ ބާވަތަށް ބަލާއިރު ދޫކޮށްލުމަކީ މުޖުތަމަޢަށް ނުރައްކާތެރި ކަމެއްކަމަށް ބެލެވުމާއި، ކުރީގެ ބަންދު އަމުރުތަކުގެ ސަބަބުތައް ބަދަލުވި ގޮތެއް ދޫކޮށްލި އަމުރުގައި ނުބުނުން.