ޕްރޮސިކިއުޓަރ ޖެނެރަލް ވ. އިބްރާހީމް ރައްޒާން

ކްރިމިނަލް ކޯޓުން، ކޮންމެވެސް މިންވަރެއްގެ ހެކި ހުރި ނަމަވެސް ޤާނޫނުއަސާސީގެ 49 ގެ ޙާލަތެއް ވުޖޫދުވިކަމަށް ދަލާލާތުކުރާ ހަރުދަނާ ސަބަބެއް ނެތީތީ ޝަރުޠުތަކާއެކު ދޫކޮށްލުމަށް އަމުރުކުރި.

ޔޯގާ ދުވަހުގެ ޙަރަކާތަށް ގަދަކަމުން ވަދެ ހަމަނުޖެހުން ހިންގި މައްސަލައިގައި ދިދައާއި ސައުންޑް ސިސްޓަމް ޕިކަޕަށް އެރުވުމުގައި ހަރަކާތްތެރިވިކަމުގެ ތުހުމަތުގައި ހައްޔަރުކުރި މީހާ 5 ދުވަހަށް ބަންދުކުރުމަށްފަހު، ބަންދުގެ މުއްދަތު އިތުރުކުރުމަށް ފުލުހުން އެދުނެވެ.

ދައުލަތުން ބުނީ އަމުރަކީ ޓެރަރިޒަމް ޤާނޫނާއި ގަވާއިދާއި މަތީ ކޯޓުތަކުގެ ނިންމުންތަކާ ޚިލާފު ކަމަށާއި، ކަފާލާތުން ދޫނުކުރެވޭ ކުށެއްގައި ޝަރުޠުކޮށް ދޫކުރުން ޤާނޫނާ ޚިލާފު ކަމަށެވެ. ރައްދުވާ ފަރާތުން ބުނީ ފުރަތަމަ އަމުރު ދައުލަތުން އިސްތިއުނާފު ނުކުރާތީ އެ ހެކި އިތުރު ބަންދަކަށް ނުފުދޭ ކަމަށާއި، ޝަރުޠުކޮށް ދޫކުރުމަކީ ކަފާލާތާ ތަފާތު ކަމެއް ކަމަށެވެ.

ޓެރަރިޒަމް މަނާކުރުމުގެ ޤާނޫނުގެ ދަށުން ކުށުގެ ތުހުމަތުގައި ބަންދުކުރި މީހަކު ޝަރުޠުތަކާއެކު ދޫކޮށްލުމަށް ކްރިމިނަލް ކޯޓުން ނެރުނު އަމުރަކީ ޤާނޫނުއަސާސީ، ޓެރަރިޒަމް މަނާކުރުމުގެ ޤާނޫނުގެ ބަންދާބެހޭ މާއްދާ، ޖިނާއީ އިޖުރާއަތުގެ ޤާނޫނާއި ޝަރީޢަތްކުރުމާބެހޭ ޖިނާއީ އިޖުރާއަތުގެ ގަވާއިދާ ޚިލާފު އަމުރެއްތޯ؛ އަދި ކަފާލާތުން ދޫނުކުރެވޭ ޓެރަރިޒަމްގެ ކުށެއްގައި ޝަރުޠުކޮށް ދޫކުރެވޭތޯ.

އިސްތިއުނާފު ބާޠިލް، ކްރިމިނަލް ކޯޓުގެ ޝަރުޠުތަކާއެކު ދޫކުރި އަމުރު ޤާއިމް (ނިންމުމުގެ ބައި ކިޔޭގޮތެއް ނެތް)

ހުށަހެޅި އިންޓެލިޖެންސް ރިޕޯޓަކީ (ނ) ގެ ޙާލަތެއް ދައްކާ ރިޕޯޓެއް ނޫންކަމަށާއި، ހެކިންނަށް ނުފޫޒު ފޯރުވުމާއި މުޖުތަމަޢަށް ނުރައްކާ ކަމުގެ އެކަށީގެންވާ ސަބަބެއް ނެތްކަމަށާއި، ޓެރަރިޒަމް ޤާނޫނުން ޝަރުޠުކޮށް ދޫކުރުން މަނާނުކުރާތީ ޖިނާއީ އިޖުރާއަތުގެ ޤާނޫނަށް ރުޖޫޢަވެވޭނެ ކަމަށް ކަނޑައެޅި.