ޕްރޮސިކިއުޓަރ ޖެނެރަލް ވ. އަޙްމަދު އިނާޒު

ސީސީޓީވީ ސްނެޕްޝޮޓްތަކުން އަނިޔާ ދޭ މަންޒަރެއް ނުފެންނާތީއާއި ތުހުމަތަކީ ޖިނާއީ ބޮޑު ކުށެއް ނޫންކަމަށްވާތީ، ކްރިމިނަލް ކޯޓުން ޝަރުޠުކޮށް ބަންދުން ދޫކުރިއެވެ.

ސަބް-އިންސްޕެކްޓަރ އޮފް ޕޮލިހަކަށް އޭނާގެ ކުޑަ ދަރިފުޅުގެ ކުރިމަތީގައި ބިރުދައްކައި އަތްލާ މަރާމާރީ ހިންގިކަމުގެ ތުހުމަތުގައި ތުހުމަތުކުރެވޭ ފަރާތް ކޯޓު އަމުރަކުން ހައްޔަރުކުރެވި، ފުލުހުން 15 ދުވަހުގެ ބަންދަށް އެދުނެވެ.

ޕްރޮސިކިއުޓަރ ޖެނެރަލް: އަމުރަކީ ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާއާއި ޤާނޫނުއަސާސީގެ 49 އަދި 141 (ރ) އާ ޚިލާފު އަމުރެކެވެ. ތުހުމަތުކުރެވޭ ފަރާތް: ހުށަހެޅި ހެކި ޝަހީބް އިބްރާހީމް ޤަޟިއްޔާގެ މިންގަނޑު ފުރިހަމަ ނުކުރެއެވެ. ކުށުގެ ރެކޯޑެއް ނެތެވެ.

މަރާމާރީގެ ތުހުމަތުގައި ހައްޔަރުކުރެވުނު ފަރާތެއް ކޮންމެވެސް މިންވަރެއްގެ ހެކި ނެތްކަމަށް ބަލައި ޝަރުޠުކޮށް ބަންދުން ދޫކުރުމަށް ކްރިމިނަލް ކޯޓުން ނެރުނު އަމުރު ޝަރުޢީ އަދި ޤާނޫނީ އުޞޫލުތަކާ އެއްގޮތްތޯ.

ދަށުކޯޓުގެ އަމުރު ބާޠިލު

60 (ބ) ގެ ދަށުން ބޭނުންވަނީ ކޮންމެވެސް މިންވަރެއްގެ ހެއްކެވެ؛ ބަޔާނާއި ސްނެޕްޝޮޓްތަކުން އެ މިންވަރު ފުރިހަމަވެއެވެ. ތަކުރާރު ހައްޔަރު ރެކޯޑާއި ކުށް ހިންގި ގޮތުން މުޖުތަމަޢަށް ނުރައްކާ އޮތުމަށް ރިޢާޔަތްކުރަންޖެހެއެވެ.