ޕްރޮސިކިއުޓަރ ޖެނެރަލް ވ. ޢަފްރާއު މޫސާ

ދ. ކުޑަހުވަދޫ މެޖިސްޓްރޭޓް ކޯޓުން އިޢުތިރާފުގެ މައްޗަށް ކުށް ސާބިތުކޮށް 2008/03/MJ ސަރކިއުލަރގެ 10 ވަނަ މާއްދާގެ ދަށުން 100 އެތިފަހަރުން ޙައްދުޖެހުމަށާއި 1 އަހަރު ގޭބަންދަށް ޙުކުމްކުރިއެވެ.

ތުހުމަތުކުރެވޭ ފަރާތް ތަޙްޤީޤުގައާއި ދަށުކޯޓުގެ ޝަރީޢަތުގެ މަޖިލީހުގައި ޒިނޭކުރިކަމަށް އިޢުތިރާފުވުމުން ދައުލަތުން ޒިނޭކުރުމުގެ ދަޢުވާ ކުރެވުނެވެ.

ޕްރޮސިކިއުޓަރ ޖެނެރަލް ހުށަހެޅީ އިޢުތިރާފުގެ ޞައްޙަކަމާއި، ޤާނޫނުއަސާސީގެ ޙައްޤުތައް ލިބިދީފައިވާކަމާއި، ޙައްދުޖެހުން މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ.

ޒިނޭކުރުމުގެ ކުށުގައި ތުހުމަތުކުރެވޭ ފަރާތުގެ އިޢުތިރާފުގެ މައްޗަށް ކުށް ސާބިތުކޮށް ޙައްދާއި ގޭބަންދުގެ އަދަބު ކަނޑައެޅި މެޖިސްޓްރޭޓް ކޯޓު ޙުކުމަކީ ޞައްޙަ ނިހާއީ ޙުކުމެއްތޯ (ސުޕްރީމް ކޯޓުގެ 2015/14/SC ސަރކިއުލަރގެ ދަށުން ޕްރޮސިކިއުޓަރ ޖެނެރަލް ހުށަހެޅި).

ދަށުކޯޓުގެ ޙުކުމް ޞައްޙަކަމަށް ކަނޑައެޅި (ޤާއިމް)

އިޢުތިރާފަކީ ޞައްޙަ، ރުޖޫޢަނުވާ އިޢުތިރާފެއްކަމާއި، ތުހުމަތުކުރެވޭ ފަރާތަށް ޤާނޫނުއަސާސީގެ ޙައްޤުތައް ލިބިދީފައިވާކަމާއި، އަދަބު ތަންފީޛުކުރުން މަނާކުރާ ސަބަބެއް ނެތްކަމަށް ކަނޑައެޅިއެވެ.