ޕްރޮސިކިއުޓަރ ޖެނެރަލް ވ. އާދަމް އަތޫފް

ހައްދުންމަތީ ފޮނަދޫ މެޖިސްޓްރޭޓް ކޯޓުން އިޢުތިރާފުގެ މައްޗަށް ކުށް ސާބިތުކޮށް 3600 ރުފިޔާއިން ޖޫރިމަނާކޮށް 40 އެތިފަހަރުން ޖަލްދުކުރުމަށް ޙުކުމްކުރި.

ފުލުހުން ދާން ފެށުމުން ތުހުމަތުކުރެވޭ ފަރާތް ގޯތިތެރެއަކަށް އެއްލާލި ފުޅީގައި ބަނގުއާވި ހުރިކަން ފޮރެންސިކް ރިޕޯޓުން އެނގުނު އިރު، މަސްތުވުމަށް ބަނގުރާ ބޭނުންކުރާކަމަށް އޭނާ ތަޙްޤީޤުގައާއި ޝަރީޢަތުގައި އިޢުތިރާފުވި.

ޙުކުމް އިސްތިއުނާފު ނުކުރެވުމުން، އިޢުތިރާފު ޞައްޙަކަމާއި، ޤާނޫނުއަސާސީގެ ޙައްޤުތައް ލިބިދީފައިވާކަމާއި، ޙައްދު މަނާކުރާ ސަބަބެއް ނެތްކަން ކަށަވަރުކުރުމަށް ޕްރޮސިކިއުޓަރ ޖެނެރަލް ތިން ނުކުތާ ހުށަހެޅި.

ބަނގުރާ ބުއިމުގެ ކުށަށް ދަޢުވާލިބޭ ފަރާތް ޝަރީޢަތުގައި ވެފައިވާ އިޢުތިރާފުގެ މައްޗަށް ބިނާކޮށް ހައްދުންމަތީ ފޮނަދޫ މެޖިސްޓްރޭޓް ކޯޓުން ކުރި ޙުކުމް (ޖޫރިމަނާއާއި 40 އެތިފަހަރުގެ ޙައްދު) ޞައްޙަތޯ، އިޢުތިރާފު ޞައްޙަތޯ، ޤާނޫނުއަސާސީގެ ޙައްޤުތައް ލިބިދީފައިވޭތޯ އަދި ޙައްދު ޖެހުން މަނާކުރާ ސަބަބެއް ނެތްތޯ.

ދަށުކޯޓުގެ ޙުކުމް ޞައްޙަކަމަށް ކަނޑައެޅި

ދަޢުވާ ސާފުކޮށްދީ، ވަކީލުގެ ޙައްޤު އަންގާފައިވާއިރު އޭނާ އެ ޙައްޤު ދޫކޮށްލި؛ ހަމަބުއްދީގައި އަމިއްލަ އިޚްތިޔާރުގައި ވި އިޢުތިރާފުން ރުޖޫޢަވެފައި ނުވާތީ ކުށުގެ ދެ ރުކުން ފުރިހަމަވެ، ޢުޤޫބާތު ކަނޑައަޅާފައިވަނީ ޤާނޫނާ އެއްގޮތަށް ކަމަށް ކޯޓު ނިންމި.