ނަން އުނިކުރެވިފައި ވ. ނަން އުނިކުރެވިފައި

ހުޅުމާލެ މެޖިސްޓްރޭޓް ކޯޓުން ޙަޟާނަތު މަންމައާ ޙަވާލުކޮށް، ކޮންމެ ހުކުރު ދުވަހެއްގެ ހެނދުނު 8:00 އިން ހަވީރު 6:00 އަށް ކުއްޖާ ބައްޕައާ ޙަވާލުކުރުމަށް ޝަރުޠުކޮށް ނިންމިއެވެ.

ކުއްޖާގެ ޙަޟާނަތު ހޯދުމަށް އެދި މަންމަ ހުޅުމާލެ މެޖިސްޓްރޭޓް ކޯޓަށް މައްސަލަ ހުށަހެޅިއެވެ.

ބައްޕަ ބުނީ ދަޢުވާގައި އެދުނު ގޮތް ނޫން ގޮތަކަށް ނިންމިކަމަށާއި، ޤާނޫނުއަސާސީގެ 42 ވަނަ މާއްދާއާ ޚިލާފަށް ޖަވާބުދާރީވުމުގެ ފުރުޞަތު ނުލިބޭގޮތަށް ނިންމިކަމަށާއި، އާއިލާއާބެހޭ ޤާނޫނުގެ 40 (ބ) އާއި 41 އަށް ރިޢާޔަތްނުކުރިކަމަށެވެ. މަންމަ ބުނީ ކުއްޖާގެ މަޞްލަޙަތަށް ރަނގަޅު ގޮތަށް ނިންމާފައިވާކަމަށާއި ބައްޕައަށް ވާހަކަދެއްކުމުގެ ފުރުޞަތު ލިބުނުކަމަށެވެ.

ޙަޟާނަތު މަންމައާ ޙަވާލުކޮށް، ބައްޕައާ ކުއްޖާ ބައްދަލުކުރާނެ ގަޑިތައް ކަނޑައެޅުމުގައި ދަށުކޯޓުން ސަބަބު ބަޔާންނުކޮށް ކުއްޖާގެ މަޞްލަޙަތުގެ މިންގަނޑުތަކަށް ރިޢާޔަތްނުކޮށް ނިންމުމަކީ ޞައްޙަ ނިންމުމެއްތޯ؛ އަދި ދަޢުވާގައި އެދުނު ގޮތް ނޫން ގޮތަކަށް ނިންމިކަމަށް ބުނާ ނުކުތާ.

ބައެއް ބަދަލުކުރި (ބައްޕައާ ކުއްޖާ ބައްދަލުކުރާނެ ގަޑި ކަނޑައެޅި ބައި ބާޠިލު)

ބައްޕައާ ކުއްޖާ ބައްދަލުކުރާނެ ގަޑި ކަނޑައެޅި ސަބަބު ޝަރީޢަތް ނިމުނުގޮތުގެ ރިޕޯޓުގައި ބަޔާންކޮށްފައި ނެތުމާއި ކުއްޖާގެ މަޞްލަޙަތުގެ ޤާނޫނީ މިންގަނޑުތަކަށް ރިޢާޔަތްކުރިކަން ނޭނގޭތީ ޙުކުމުގެ އެ ބައި ބާޠިލުކުރަންޖެހެއެވެ؛ ތާވަލު ކަނޑައަޅަންވާނީ ދަށުކޯޓުންނެވެ.