2017/HC-A/130

ސިވިލް ކޯޓުން (208/Cv-C/2017) އެގްރީމެންޓު ނިމުމަކަށް އައިސްފައިވާތީ ރިސޯޓު ހުސްކޮށް ޙަވާލުކުރުމަށާއި، ނުދައްކާ ކުލި، ލިކުއިޑޭޓެޑް ޑެމޭޖަސް އަދި ޖޫރިމަނާ އެކު ޖުމްލަ ފައިސާ ދެއްކުމަށް ޙުކުމްކުރިއެވެ.

ރިސޯޓެއް ކުއްޔަށް ދިނުމަށް ދެކުންފުނީގެ މެދުގައި ސަބްލީސް އެގްރީމެންޓެއް ވެފައިވަނިކޮށް، ލީސް ރެންޓާއި ގަވަރމަންޓް ލީސް ރެންޓް ޤަވާޢިދުން ނުދެއްކުމުން އެގްރީމެންޓުގެ 15 ވަނަ މާއްދާގެ ދަށުން ލީސްދިން ފަރާތުން ޓާމިނޭޝަން ނޯޓިސް ފޮނުވިއެވެ. ލީސް ރެންޓް ބޭންކަކަށް އެސައިންކުރުމުގެ ތިން ފަރާތުގެ އެއްބަސްވުމެއްވެސް ވެފައިވެއެވެ.

އިސްތިއުނާފުކުރި ފަރާތުން ބުނީ ބޭންކަށް ނޭނގި އެސައިންމަންޓް އެގްރީމެންޓާ ޚިލާފަށް ފޮނުވި ނޯޓިސް ޞައްޙަ ނޫންކަމަށާއި، 4 އަހަރުގެ ލަސްވުންތަކަށް ރެޓްރޯސްޕެކްޓިވްކޮށް ޑެމޭޖަސް ޗާޖްކުރީ ކޮންޓްރެކްޓާބެހޭ ޤާނޫނުގެ 20 ވަނަ މާއްދާއާ ޚިލާފަށް ކަމަށާއި، ކުލި ކަނޑައެޅީ ކޮންޓްރެކްޓުގެ ރޫޙާ ޚިލާފަށް ކަމަށެވެ.

ސަބްލީސް އެގްރީމެންޓުގެ ދަށުން ފޮނުވި ޓާމިނޭޝަން ނޯޓިސް ޞައްޙަތޯ އަދި ރިސޯޓު ހުސްކޮށް ޙަވާލުކުރަން ޖެހޭތޯ؛ އަދި ކުރިން ނުނަގާ އޮތް ޖޫރިމަނާ/ލިކުއިޑޭޓެޑް ޑެމޭޖަސް ފަހުން ހޯދުމަކީ ޙައްޤު ދޫކޮށްލުމާ ޚިލާފު ކަމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ކުލި ކަނޑައެޅިފައިވާ ގޮތަށް ނުދައްކާކަން އެނގޭއިރު، ޖޫރިމަނާ މާފުކުރިކަމެއް ނުވަތަ ޢަމަލުނުކުރަން އެއްބަސްވިކަމެއް ނެތުމާއި ފައިސާ ނުހޯދައި ހުރުމަކީ ޙައްޤު ދޫކޮށްލުމެއް ނޫންކަމަށާއި، ބޭންކަށް ދައްކަންޖެހޭ ފައިސާ ދައްކާފައިނުވާކަން ނަފީކުރާ ހެއްކެއް ނެތްކަމަށާއި، ސަބްލީސް އެގްރީމެންޓުގެ 15 ވަނަ މާއްދާގެ ދަށުން ނޯޓިސް ފޮނުވުމުން އެގްރީމެންޓު ނިމިފައިވާތީ ތަން ޙަވާލުކުރުން ލާޒިމްކަމަށް ކަނޑައެޅިއެވެ.