2016/HC-A/516

ސިވިލް ކޯޓުން ދައްކަންޖެހި ނުދައްކާވާ ކުއްޔާއި ޖޫރިމަނާ 06 މަހުގެ ތެރޭގައި ދެއްކުމަށާއި، ތަން ހުސްކޮށް ޙަވާލުކުރުމަށާއި، ޙަވާލުކުރާ ހިނދަކާ ހަމައަށް ކުއްޔާއި ޖޫރިމަނާ ލިބިގަތުމުގެ ޙައްޤު ލިބިގެންވާކަމަށް ޙުކުމްކުރިއެވެ.

ސްޓޭޓް ޓްރޭޑިންގ އޯގަނައިޒޭޝަން ޕލކ ގެ ޢިމާރާތެއް 2013 ވަނަ އަހަރަށް ނަޖާހް އާރޓްޕެލަސް ޕްރައިވެޓް ލިމިޓެޑަށް ކުއްޔަށް ދީފައިވާއިރު، އެއްބަސްވުމުގެ މުއްދަތު ހަމަވުމަށްފަހުވެސް ތަން ބޭނުންކުރަމުން ކުލި ނުދައްކާތީ، ކުއްޔާއި ޖޫރިމަނާ ހޯދުމަށާއި ތަން ހުސްކުރުވުމަށް ދަޢުވާކުރެވުނެވެ.

އިސްތިއުނާފުކުރި ފަރާތުން ބުނީ ދަޢުވާފޯމުގެ ޚުލާޞާއާ ޚިލާފަށް ދަޢުވާކުރާ ފަރާތް އެދުނުހާ ގޮތަކަށް ދަޢުވާ ސީދާކޮށް ޙުކުމްކުރި ކަމަށާއި، ތަނަށް ކުރި ބޮޑު ޚަރަދާމެދު ދަޢުވާކުރާ ފަރާތުން އެއްޗެއް ނުބުނާއިރު އެކަމާ ކޯޓުން ކަނޑައެޅީ ޤާނޫނުއަސާސީގެ 42 ވަނަ މާއްދާގެ (ށ) އާ ޚިލާފަށް ކަމަށެވެ.

ކުލި ހޯދުމުގެ މައްސަލައެއްގައި ސިވިލް ކޯޓުން ކުރި ޙުކުމަކީ ދަޢުވާގައި އެދިފައިނުވާ ކަމަކަށް ކުރި ޙުކުމެއްތޯއާއި، ކުއްޔަށް ހިފި ފަރާތުން ތަނަށް ކުރި ޚަރަދާމެދު ފާހަގަކުރުމަކީ ޤާނޫނުއަސާސީގެ 42 ވަނަ މާއްދާގެ (ށ) އާ ޚިލާފު ކަމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ޙުކުމަކީ ދަޢުވާގައި އެދުނު ކަންކަމަށް ކުރި ޙުކުމެއްކަމާއި، އެއްބަސްވުމުގެ ބޭރުން ކުރި ޚަރަދުގެ ޒިންމާ ކުލިދީފައިވާ ފަރާތަށް ނުލިބޭކަން ފާހަގަކުރުމަކީ ޤާނޫނުއަސާސީގެ 42 ވަނަ މާއްދާއާ ޚިލާފު ކަމެއް ނޫންކަމާއި، އެފަދަ ޚަރަދަކީ ކުލި ނުދެއްކުމަށާއި ތަން ހުސްނުކުރުމަށް ޙުއްޖަތެއް ނޫންކަމެވެ.