2016/HC-A/213

ސިވިލް ކޯޓުން އެއްބަސްވުމުގެ 4 ވަނަ މާއްދާގެ ދަށުން ޢިމާރާތް ހެދުމަށް ދިޔަ ޚަރަދު 1,393,760 ރުފިޔާއާއި ބާކީ މުއްދަތަށް މަހަކު 36,000 ރުފިޔާގެ ރޭޓުން 6,552,000 ރުފިޔާ، ޖުމްލަ 7,945,760 ރުފިޔާ ދިނުމަށް ޙުކުމްކުރިއެވެ؛ ނަގުދު ދިން 80,000 ރުފިޔާ ނަގައިނުދިނެވެ.

ގޯތިން ލިބިފައިވާ ބިމުގައި ކުއްޔަށް ހިފި ފަރާތުން ޢިމާރާތް ހަދައި 18 އަހަރަށް ކުއްޔަށް ދޫކުރުމުގެ އެއްބަސްވުމެއް ވެފައިވާއިރު، ޢިމާރާތް ޤަވާޢިދާ ޚިލާފަށް ހަދާފައިވާކަމަށް ބުނެ ވެރިފަރާތުން އެތަނުގައި ކުއްޔަށް ތިބި މީހުން ނެރެ ޢިމާރާތް އަތުލިއެވެ.

އިސްތިއުނާފުކުރި ވެރިފަރާތުން ބުނީ ޢިމާރާތް ކުރެހުމާ ޚިލާފަށް 4 ބުރިއަށް ހަދައި ހުއްދައެއްނެތި ކުއްޔަށް ދީފައިވަނީ ކުއްޔަށް ހިފި ފަރާތުގެ އިހުމާލުން ކަމުން ކޮންޓްރެކްޓާބެހޭ ޤާނޫނުގެ 23 އަދި 24 ވަނަ މާއްދާގެ ދަށުން ބަދަލު ނުދޭން ޖެހޭނެ ކަމަށެވެ. ރައްދުވި ފަރާތުން ބުނީ 3 ބުރި ހަދާފައިވަނީ އެއްބަސްވުމާ އެއްގޮތަށް ކަމަށާއި ޓެރަސްގެ އެޕާޓްމަންޓް ހަދާފައިވަނީ ވެރިފަރާތުގެ އެދުމުގެ މަތިން ވަކި އެއްބަސްވުމެއްގެ ދަށުން ކަމަށެވެ.

ޢިމާރާތް ކުއްޔަށް ދިނުމުގެ އެއްބަސްވުމެއްގެ ދަށުން ކުއްޔަށް ހިފި ފަރާތުން ހަދާފައިވާ ޢިމާރާތް ޤަވާޢިދާ ޚިލާފަށް ހަދާފައިވާކަމަށް ބުނެ ވެރިފަރާތުން ކުއްޔަށް ތިބި މީހުން ނެރެ ޢިމާރާތް އަތުލުމުން، އެއްބަސްވުމުގެ 4 ވަނަ މާއްދާގެ ދަށުން ޢިމާރާތް ހެދުމަށް ދިޔަ ޚަރަދާއި ބާކީ މުއްދަތުގެ ބަދަލު ދޭން ޖެހޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ޢިމާރާތް ކޮށްފައިވަނީ ވެރިފަރާތަށް އެނގި ފެނިގެން ކަމުންނާއި ޤަވާޢިދާ ޚިލާފު ކަންކަން ރަނގަޅު ކުރުމުގެ ފުރުޞަތު އޮތްއިރު އެއްބަސްވުމާ ޚިލާފަށް ޢިމާރާތް އަތުލީތީ، އެއްބަސްވުމުގައިވާ ގޮތުގެމަތިން ބަދަލު ނަގައިދިނުމަކީ ޢަދްލުވެރި ގޮތްކަމަށް ކަނޑައަޅައި ދަށުކޯޓުގެ ޙުކުމް ޤާއިމްކުރިއެވެ.