2016/HC-A/542

ސިވިލް ކޯޓުން ލޯންޗު ގަތް ފަރާތުގެ ބެލުމުގެ ދަށުގައި އޮތް މުއްދަތަށް މަހަކު 20,000 ރުފިޔާގެ މިންވަރުން މިޘްލީ ކުލީގެ ގޮތުގައި 271,333.22 ރުފިޔާ ދައްކަން ޙުކުމްކޮށް، ދަޢުވާގެ އިތުރު ފައިސާ ސާބިތުނުވާކަމަށް ކަނޑައެޅިއެވެ.

ލޯންޗެއް 650,000 ރުފިޔާއަށް ވިއްކުމަށް އެއްބަސްވެ، 20,000 ރުފިޔާގެ ޑައުން ޕޭމަންޓް ދެއްކުމުން ލޯންޗު ހަވާލުކުރިނަމަވެސް، ބާކީ ފައިސާ ނުދެއްކުމުން، ވިއްކި ފަރާތުގެ ބޭންކު ލޯނުގެ އިންޓަރެސްޓް ބޮޑުވެ ރަހުނު ވިއްކާލަން ޙުކުމްކުރުމުން ގެއްލުމުގެ ބަދަލު ހޯދުމަށް ދަޢުވާކުރެވުނެވެ.

އިސްތިއުނާފުކުރި ފަރާތުން ބުނީ ގެއްލުމުގެ ބަދަލު ކަނޑައެޅުމުގައި، ދަޢުވާކުރި ފަރާތުން ގެއްލުން ކުޑަކުރުމަށް މަސައްކަތްކޮށްފައިނުވާކަމަށް "ލާ ޟަރަރަ ވަލާ ޟިރާރަ" ގެ ދަށުން ރިޢާޔަތްކޮށްފައި ނުވާ ކަމަށެވެ.

ވިއްކުމުގެ އެއްބަސްވުމެއްގެ ދަށުން ހަވާލުކުރި ލޯންޗަކަށް، ގަތް ފަރާތުގެ ބެލުމުގެ ދަށުގައި އޮތް މުއްދަތަށް މިޘްލީ ކުލި ކަނޑައެޅުމުގައި، ދަޢުވާކުރި ފަރާތް ގެއްލުން ކުޑަކުރުމަށް މަސައްކަތް ނުކުރުމަށް (ލާ ޟަރަރަ ވަލާ ޟިރާރަ) ރިޢާޔަތްކުރަންޖެހޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ފައިސާ ދެއްކޭނެ ނެތްނަމަ ލޯންޗު އަނބުރާ ހަވާލުކުރުމަކީ ގެއްލުން ކުޑަކުރުމަށް ގަތް ފަރާތުންވެސް ކުރަންޖެހޭނެ ކަމެއްކަމާއި، އެގޮތަށް ޢަމަލުކޮށްފައި ނުވާތީ، ލޯންޗު ބެލުމުގެ ދަށުގައި އޮތް މުއްދަތަށް މިޘްލީ ކުލި ކަނޑައެޅުމަކީ ޚިލާފު ކަމެއް ނޫނެވެ.