2016/HC-A/463

މެޖިސްޓްރޭޓް ކޯޓުން، ކުއްޖާގެ ބޭސްފަރުވާގެ ޚަރަދަކީ ޢާއިލާއާބެހޭ ޤަވާޢިދުގެ 66 ވަނަ މާއްދާގެ ދަށުން ބައްޕަ ކުރަންޖެހޭ ޚަރަދެއްކަމަށް ކަނޑައަޅައި، ދަޢުވާކުރި މުޅި ޢަދަދު 3 މަސްދުވަހުގެ ތެރޭގައި ދިނުމަށް ބައްޕައަށް އެންގިއެވެ.

ކުއްޖާގެ ބޭސްފަރުވާއަށް މަންމަ ޚަރަދުކުރިކަމަށް ބުނާ ފައިސާ ބައްޕަގެ އަތުން ހޯދުމަށް މަންމަ ދަޢުވާ ކުރިއެވެ. ބައްޕަ ބުނީ ވަޒީފާގެ ސަބަބުން ދަރިންނަށް ހިލޭ ފަރުވާ ލިބެން އޮތުމާއެކު އޭނާއަށް ނޭނގި ކުރި ޚަރަދުތަކެއް ކަމަށާއި، ބިލްތަކުން އެއީ ކުއްޖާއަށް ކުރި ޚަރަދުކަން ސާބިތުނުވާ ކަމަށެވެ.

ބައްޕަ ބުނީ ސަރުކާރުން ހިލޭ ފަރުވާ ހަމަޖެހިފައިވާއިރު އޭނާއަށް ނޭނގި ކުރި ޚަރަދުގެ ޒިންމާ އަޅުވާފައިވާ ކަމަށާއި، ފަރުވާއަށް އެއްބާރުލުން ނުދީ އަމިއްލައަށް ކުރި ޚަރަދު ކަމަށާއި، ބިލްތަކަކީ ކުއްޖާގެ ފަރުވާއަށް ކުރި ޚަރަދުކަން ސާބިތުނުވާ ކަމަށެވެ.

ކުއްޖާގެ ބޭސްފަރުވާއަށް މަންމަ ކުރިކަމަށް ބުނާ ޚަރަދު ބައްޕަގެ އަތުން ނަގައިދިނުމުގައި، އެ ޚަރަދު ކުއްޖާއަށް ކުރިކަން ސާބިތުވެފައިވޭތޯ އަދި ބައްޕަ ދައްކަންޖެހޭ މިންވަރަކީ ކޮބައިތޯ.

ބައެއް ބަދަލުކުރި (ދައްކަންޖެހޭ ޢަދަދު އިސްލާޙުކުރި)

ހައިކޯޓުގައި ބައްޕަ އެއްބަސްވި ލިޔުންތަކުގައިވާ ޢަދަދު (9800 ރުފިޔާ) ދައްކަންޖެހޭ ފައިސާއެއްކަމުގައި ބެލެވޭނެ ކަމަށާއި، އިންކާރުކުރާ ބާކީ ލިޔުންތަކުން އެއީ ކުއްޖާއަށް ކުރި ޚަރަދުކަން ސާބިތުނުވާތީ އެ ފައިސާ ނަގައިދެވޭނެ ކަމަށް ސާބިތުނުވާ ކަމަށް ކަނޑައެޅިއެވެ.