2014/HC-A/280

ސިވިލް ކޯޓުން، 3 ފޫޓު ފުޅާ ގޯޅިއެއް ބޭއްވުމަށްފަހު، ގުރުއަތުން ދިމާވި ޗާޓާ އެއްގޮތަށް ބިން ބައިކޮށް، އަގުމަގުކުރުމެއް އުނިއިތުރު ހަމަޖެއްސުމެއްނެތި، ކޮންމެ މީހަކަށް ޢައްޔަންކުރެވުނު ބިމުގައިވާ ޢިމާރާތްތަކާއި ނުއުފުލޭމުދާ އެމީހަކަށް މިލްކުވާ ކަމަށް ޙުކުމްކުރިއެވެ.

6 މީހެއްގެ ނަމުގައި ރަޖިސްޓްރީކޮށްފައިވާ 1000 އަކަފޫޓުގެ އަމިއްލަ ގޯއްޗެއް ބައިކޮށްދިނުމަށް ބެހެނިވެރިއަކު ސިވިލް ކޯޓަށް ދަޢުވާކުރިއެވެ. ބިން ޢައްޔަންކުރާނެ ގޮތަކާ ބެހެނިވެރިން އެއްބަސްނުވުމުން ދެފަރާތުން ހުށަހެޅި ޗާޓުތަކުން ކުރެ ޗާޓެއް ގުރުއަތުލައިގެން އިޚްތިޔާރުކުރެވުނެވެ.

އިސްތިއުނާފުކުރި ފަރާތުން ބުނީ ގުރުއަތުގެ ހާމަކަން ގެއްލިފައިވާ ކަމަށާއި، އޭނާއަށް ލިބުނު ބަޔަށް ބަދަލު ގެނައުމުގެ ޚަރަދު އެހެން ބެހެނިވެރިންގެ އަތުން ނަގައިނުދިން ކަމަށާއި، ގޯޅި ކަނޑާފައިވަނީ މާލޭ ޕްލޭނިންގެ ޤަވާޢިދުގެ 2.1.6 އާ ޚިލާފަށް ކަމަށާއި، ޤާނޫނުއަސާސީގެ 42 ވަނަ މާއްދާއާ ޚިލާފަށް ޝަރީޢަތްކުރި ކަމަށެވެ.

ގޯތި ބައިކުރުމުގައި ބިން ޢައްޔަންކުރުމަށް ދަށުކޯޓުން ގުރުއަތުލީ ގޮތުގައި ހާމަކަން ގެއްލިފައިވޭތޯއާއި، އެއް ބެހެނިވެރިއަކަށް ލިބުނު ބަޔަށް ބަދަލު ގެނައުމުގެ ޚަރަދު އެހެން ބެހެނިވެރިންގެ އަތުން ނަގައިދޭންޖެހޭތޯއާއި، ގޯޅި ކެނޑުމުގައި ޤަވާޢިދާ ޚިލާފުވެފައިވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ގުރުއަތުލީ ގުޅި ޝަރީޢަތުގެ މަޖިލީހުން ނެރެފައިނުވާތީ ހާމަކަން ގެއްލިފައި ނުވާ ކަމަށާއި، އެހެން ބެހެނިވެރިންގެ ނުރުހުމުގައި ޚަރަދު ނަގައިދޭނެ ހަމައެއް ނެތް ކަމަށާއި، ގޯޅި ކެނޑުމަށް އިސްތިއުނާފުކުރި ފަރާތްވެސް ރުހި ޤަބޫލުކޮށްފައިވާ ކަމަށް ހައިކޯޓުން ކަނޑައެޅިއެވެ.