2016/HC-A/07

ސިވިލް ކޯޓުން ސޮއިކުރި ލިޔުމުގެ ކިތާބީ ހެކީގެ މައްޗަށް މަދަނީ މިންގަނޑުން ދަޢުވާ ސާބިތުވާކަމަށް ކަނޑައަޅައި، ފައިސާ 3 މަސް ދުވަހުގެ ތެރޭގައި ދެއްކުމަށް ޙުކުމްކުރިއެވެ.

މޯލްޑިވްސް ޔޮޓް ސަޕޯރޓް ޕްރައިވެޓް ލިމިޓެޑުން އަނބުރާ ދައްކާގޮތަށް ޢަބްދުލްމަޖީދު މާހިރަށް އެކިފަހަރު މަތިން ދިން 321,231 ރުފިޔާ އަނބުރާ ނުދައްކާތީ ދަޢުވާކުރިއެވެ. ދަޢުވާލިބޭ ފަރާތް އިންކާރުކުރި ނަމަވެސް، އެ ފައިސާއަކީ ދައްކަންޖެހޭ ފައިސާއެއް ކަމަށް 2014 ޖޫން 25 ގައި އެއްބަސްވެ ސޮއިކުރި ލިޔުމަށް އިންކާރު ނުކުރެއެވެ.

އިސްތިއުނާފުކުރި ފަރާތުން ބުނީ ކަށަވަރުކުރަންޖެހޭ ކަންކަން ކަށަވަރުނުކޮށް ޙުކުމްކުރި ކަމަށާއި، ޙުކުމް ބިނާކުރި ލިޔުމަކީ މަދަނީ މިންގަނޑުން ދަރަންޏެއް ސާބިތުކުރުމަށް ފުދޭވަރަށްވުރެ ބަލިކަށި ހެއްކެއް ކަމަށެވެ.

ދަރަނި އިންކާރުކުރާ ފަރާތުން ދައްކަންޖެހޭ ފައިސާއެއް ކަމަށް އެއްބަސްވެ ސޮއިކޮށްފައިވާ ލިޔުމަކާއި، އެ ލިޔުމުގައި ސޮއިކުރިކަމަށް ކޯޓުގައި ވި އިޢްތިރާފަކީ މަދަނީ މިންގަނޑުން ދަޢުވާ ސާބިތުކުރުމަށް ފުދޭ ހެއްކެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ލިޔުމުގައި ސޮއިކުރިކަމަށް ދަށުކޯޓުގައި އިޢްތިރާފުވެ، އިޤްރާރު ޞައްޙަވުމާމެދު ސުވާލެއް ނުއުފައްދާތީ، އެ އިޤްރާރަކީ ދަޢުވާ ސާބިތުކުރުމަށް ފުދޭ ކާފީ ދަލީލެކެވެ.