2016/HC-A/158

ސިވިލް ކޯޓުން ގެއްލުމުގެ ބަދަލު ހެކި ނެތީމާ ނަގައިނުދީ، ކުރިން އެއްބަސްވެފައިވާ މަހަކު 15,000 ރުފިޔާގެ މަގުން 29 ޖެނުއަރީ 2012 އިން 24 ޖުލައި 2014 އަށް 448,000 ރުފިޔާ ކުލި ދައްކަން ޙުކުމްކުރިއެވެ.

2005 ގައި ވެފައިވާ ބިނާކުރުމާއި ކުއްޔަށްދިނުމާބެހޭ އެއްބަސްވުން ސިވިލް ކޯޓުން 29 ޖެނުއަރީ 2012 ގައި ބާޠިލްކުރުމަށްފަހުވެސް ކުންފުނިން ފިހާރަ (17 ފޫޓު 42 ފޫޓުގެ ޢިމާރާތް) ވެރިފަރާތާ ޙަވާލުނުކުރުމުން، ކުލީގެ ފައިސާއާއި ގެއްލުމުގެ ބަދަލު ހޯދުމަށާއި ތަން ޙަވާލުކޮށްދިނުމަށް ވެރިފަރާތުން ދަޢުވާކުރިއެވެ.

ކުންފުނިން ބުނީ ކުއްޔަށް ދިންކަމުގެ އެއްބަސްވުމެއް ނެތި، ކޮންޓްރެކްޓާބެހޭ ޤާނޫނާއި ބިމާބެހޭ ޤާނޫނާއި ޤަވާއިދާ ޚިލާފަށް ކުލި ނަގައިނުދެވޭނެ ކަމަށާއި، ބާޠިލުކުރި ޙުކުމުގެ އިސްތިއުނާފު ނިމުމުގެ ކުރިން ބާޠިލް އެގްރީމަންޓެއްގެ ދަށުން ކުލި ނަގައިދިނުމަކީ ޚިލާފު ކަމަށެވެ.

ދެފަރާތުގެ އެއްބަސްވުން ކޯޓަކުން ބާޠިލުކުރުމަށްފަހުވެސް ޢިމާރާތް ވެރިފަރާތާ ޙަވާލުނުކޮށް ހިފަހައްޓާފައިވާ މުއްދަތަށް ކުލި ނަގައިދެވޭނެތޯ، އަދި އެ ބާޠިލުކުރި ޙުކުމް ހައިކޯޓުގައި އިސްތިއުނާފުކުރެވިފައި އޮތުމަކީ ކުލީގެ ދަޢުވާ ނިންމުމަށް ހުރަހެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

އެއްބަސްވުން ބާޠިލުވިޔަސް ޙަވާލުނުކުރާ މުއްދަތަށް ކުލީގެ ޙައްޤު ވެރިފަރާތަށް ލިބޭކަމަށާއި، ކުރީގެ ކުލީގެ މިންވަރަށް ބަލައި އެކަށީގެންވާ ކުލި ކަނޑައެޅިދާނެކަމަށާއި، އިސްތިއުނާފަކީ ހުރަހެއް ނޫންކަމަށާއި، 2015/HC-A/84 ގައި ބާޠިލުކުރި ނިންމުން ޤާއިމްކޮށްފައިވާކަމަށް ކޯޓުން ފާހަގަކުރިއެވެ.