2017/HC-A/95

ސިވިލް ކޯޓުން ކުއްޔަށް ދީފައިވަނީ 16 ޖަނަވަރީ 2012 އިން 5 އަހަރަށް ކަމަށް ކަނޑައަޅައި، ކުލި ދައްކަމުންދާހާ ހިނދަކު 16 ޖަނަވަރީ 2017 ގެ ކުރިން ތަނުން ނެރުމަށް އަންގާނެ ތަނެއް ނެތްކަމަށް ޙުކުމްކުރި.

ތަނުގެ ވެރިފަރާތުން އަނގަބަހުން ވެވުނު އެއްބަސްވުމެއްގެ ދަށުން 16 ޖަނަވަރީ 2012 އިން 5 އަހަރަށް ފްލެޓެއް ކުއްޔަށް ދީ، 2014 ގައި ކުލި ބޮޑުކޮށް ކުރިއަށް އޮތް 5 އަހަރު ކުލި ބަދަލުނުކުރާނެ ކަމަށާއި ތިބެވޭނެކަމަށް ލިޔުމެއްގައި ސޮއިކޮށް، ފަހުން ތަން ހުސްކޮށްދިނުމަށް އެދި ދަޢުވާކުރި މައްސަލައެކެވެ.

ކުއްޔަށް ހިފި ފަރާތުން ބުނީ 2014 ގައި ސޮއިކުރި ލިޔުމުން ޖޫން 2014 އިން ފެށިގެން އިތުރު 5 އަހަރަށް (ޖޫން 2019 އަށް) މުއްދަތު އިތުރުކޮށްފައިވާއިރު، މުއްދަތު 2017 ގައި ހަމަވާކަމަށް ކަނޑައެޅުމަކީ ގޯހެއް ކަމަށެވެ.

އަނގަބަހުން ވެވުނު ކުލީގެ އެއްބަސްވުމެއްގެ މުއްދަތު، ކުލި ބޮޑުކުރުމުގެ ގޮތުން ތަނުގެ ވެރިފަރާތް ސޮއިކުރި ލިޔުމަކުން އިތުރުކުރެވިފައިވޭތޯ، އަދި ކުލީގެ މުއްދަތު ހަމަވުމަށްފަހު ކުއްޔަށް ހިފި ފަރާތަށް ތަނުގައި ހުރުމުގެ ޙައްޤު ލިބޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ލިޔުމުގެ މަޤްޞަދަކީ ކުލި ބަދަލުނުކުރާނެކަމުގެ ޔަޤީންކަން ދިނުންކަމާއި، މުއްދަތު އިތުރުކުރިކަން ސާފުކޮށް ދޭހަނުވާތީއާއި ކާފީ ހެކި ހުށަހަޅާފައިނުވާތީ، 5 އަހަރުގެ އެއްބަސްވުން 16 ޖަނަވަރީ 2017 ގައި ހަމަވުމަށްފަހު ވެރިފަރާތުގެ ނުރުހުމުގައި ތަނުގައި ހުރުމުގެ ޙައްޤެއް ނެތްކަމަށް ކަނޑައަޅައި ޙުކުމް ޤާއިމުކުރި.