2015/HC-A/89

ބޮޑުކުރި ކުލީގެ ރޭޓާއި ޖޫރިމަނާ ހިމަނައިގެން 2,778,075 ރުފިޔާ 3 މަސްދުވަހުގެ ތެރޭގައި ދައްކައި ބިން ކައުންސިލާ ޙަވާލުކުރުމަށް މެޖިސްޓްރޭޓް ކޯޓުން ޙުކުމްކުރިއެވެ.

1998 ގައި 5 އަހަރަށް ކުއްޔަށް ދިން ބިމުގެ އެއްބަސްވުމުގެ މުއްދަތު 2003 ގައި ހަމަވިއިރު، ބިން ހުސްކުރުމަށް އެތައް ފަހަރަކު އެންގިނަމަވެސް ބިން ހުސްނުކޮށް ކުރީގެ ކުލި ދައްކަމުން ދިޔައެވެ. އެއްބަސްވުން ނިމިފައިވާކަމަށް ކުރިން ކޯޓުތަކުން ޙުކުމްކުރުމަށްފަހު ކައުންސިލުން ޤަރާރަކުން ކުލި މަހަކު 67,500 ރުފިޔާއަށް ބޮޑުކޮށް ލަސްވާ ފައިސާއަށް 10% ޖޫރިމަނާ ކަނޑައެޅިއެވެ.

އިސްތިއުނާފުކުރި ފަރާތުން ބުނީ ބޮޑުކުރި ކުއްޔާއި ޖޫރިމަނާ ހިމެނީ ގޯސްކޮށްކަމަށާއި، ކައުންސިލްގެ އެންގުމަކީ ހުށަހެޅުމެއް ކަމަށާއި ނެގޯޝިއޭޓްކުރުމުން ކައުންޓަރ އޮފަރ ކަމަށާއި، ކުރީގެ ކުލި ބަލައިގަތުމުން ޢަމަލުން ޤަބޫލުކުރުން (implied acceptance) ވެފައިވާކަމަށެވެ.

ކުލީގެ އެއްބަސްވުމުގެ މުއްދަތު ހަމަވެ ބިން ހުސްކުރުމަށް އެންގުމަށްފަހުވެސް ބިން ބޭނުންކުރަމުން ދިޔަ ފަރާތުގެ މައްޗަށް ކައުންސިލުން ބޮޑުކުރި ކުލީގެ ރޭޓާއި ޖޫރިމަނާ ހިމަނައިގެން ފައިސާ ދައްކަން ޙުކުމްކުރުން ޤާނޫނާ ޚިލާފުތޯއާއި، ކުރީގެ ކުލި ބަލައިގަތުމުން ނުވަތަ އޮފަރ/ކައުންޓަރ އޮފަރގެ އުޞޫލުން އާ އެއްބަސްވުމެއް ވެވިފައިވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

އެއްބަސްވުން ނިމި ބިމުގައި ޙައްޤެއް ނެތްކަން 2010/SC-A/22 އިން ކަށަވަރުވެފައިވާއިރު ބިން ބޭނުންކުރީ ވެރިފަރާތުގެ ނުރުހުމުގައެވެ. ކައުންސިލްގެ ޤަރާރަކީ ހުށަހެޅުމެއް ނޫނެވެ. ސަރަޙައްދުގެ ޢާންމު ރޭޓުން ބަދަލު ކަނޑައެޅުން ޤާނޫނާ ޚިލާފުކަން ދައްކާފައި ނުވެއެވެ.