2015/HC-A/405

ސިވިލް ކޯޓުން ކުއްޔާއި ޖޫރިމަނާއަށް 130,600 ރުފިޔާ 6 މަސްދުވަހުގެ ތެރޭގައި ދައްކާ ޚަލާސްކުރުމަށް ޙުކުމްކުރިއެވެ.

ބިމުގެ ވެރިފަރާތުގެ އަތުން އެޕާޓްމަންޓެއް ކުއްޔަށް ހިފި ފަރާތަކުން، އެ އެއްބަސްވުމުގެ 16 ވަނަ މާއްދާގެ ބާރުން އެ އެޕާޓްމަންޓް 2009 ގައި އިސްތިއުނާފުކުރި ފަރާތަށް ކުއްޔަށް ދިނެވެ. 2013 އެޕްރީލުން ފެށިގެން ކުލި ނުދައްކާތީ ކުލި ހޯދުމަށާއި ތަނުން ނެރުމަށް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ވެރިފަރާތާ ދެމެދު ވެވުނު އަސްލު އެއްބަސްވުން 2013 އެޕްރީލުގައި ނިމުނުތީ ވުޖޫދުގައި ނެތް ކޮންޓްރެކްޓެއްގެ ދަށުން ޙުކުމްކުރީ ކަމަށާއި، ފަނޑިޔާރުންގެ ޤާނޫނުގެ 5(ނ) ގެ ދަށުން ކުރިން ކުރެވުނު ޙުކުމަށާއި 2011/SC-SJ/03 ގެ އުޞޫލުތަކަށް ރިޢާޔަތްނުކުރި ކަމަށެވެ.

އަސްލު ކުލީގެ އެއްބަސްވުން ނިމުނުކަމަށް ބިމުގެ ވެރިފަރާތުން ބުނުމުން، ކުއްޔަށް ހިފި ފަރާތާއި ދެވަނަ ފަރާތާ ދެމެދު ވެވުނު ކުލީގެ އެއްބަސްވުމުގެ ދަށުން ކުލި ދެއްކުން ލާޒިމްވޭތޯ، އަދި އެއްގޮތް މައްސަލަތަކުގައި ކުރިން ކުރެވުނު ޙުކުމްތަކަށް ރިޢާޔަތްނުކުރުމުން ޙުކުމް ބާޠިލުވާނެތޯ.

އިސްތިއުނާފު ބާޠިލު، ދަށުކޯޓުގެ ޙުކުމް ޤާއިމް

ވެރިފަރާތުގެ ހަމައެކަނި ބުނުމަކީ އަސްލު އެއްބަސްވުން ބާޠިލްވިކަމުގެ ޙުއްޖަތެއް ނޫންތީ ކުލީގެ އެއްބަސްވުން ދަޢުވާކުރި މުއްދަތުގައި ދެމިއޮތެވެ؛ އެހެންކަމުން އެއްބަސްވުމާ އެއްގޮތަށް ކުލި ދެއްކުން ލާޒިމްވެއެވެ.