2015/HC-A/70

އެއްބަސްވުން ސާބިތުވާކަމަށާއި ލާޒިމްކުރި އިލްތިޒާމްތައް އަދާނުކުރާކަމަށާއި ދަޢުވާކުރި ޢަދަދަށް އިންކާރުނުކުރާތީ، އެ ފައިސާ 18 މަހުގެ ތެރޭގައި ދެއްކުމަށް ސިވިލް ކޯޓުން ޙުކުމްކުރިއެވެ.

ހުޅުމާލޭގެ ރޯހައުސްއެއްގެ ޑައުންޕޭމަންޓާއި މަހުން މަހަށް ދައްކާ ފައިސާ ޒަމާނަތްދޭ ފަރާތުން ދައްކައި، އޭގެ ބަދަލުގައި އޭނާއާއި ޢާއިލާ އެގޭގައި ދިރިއުޅުމަށް ވި އެއްބަސްވުމާ ޚިލާފަށް ގޭގެ ވެރިފަރާތުން ނުކުތުމަށް އެންގުމުން، ދައްކާފައިވާ ފައިސާ އެއްފަހަރާ ހޯދުމަށް ހުށަހެޅި ދަޢުވާއެކެވެ.

އިސްތިއުނާފުގެ ނުކުތާއަކީ ޝަރީޢަތަށް ހުށަހެޅިފައިނުވާ ހެކިތަކާއި ޖަވާބުދާރީވުމުގެ ފުރުޞަތު ނުދެވޭ ހެކި ބޭނުންކޮށް މައްސަލަ ސާބިތުވާކަމަށް ނިންމި ކަމަށެވެ.

ކުރީގެ އެހެން ޤަޟިއްޔާއެއްގައި ނެގުނު ހެކިބަސް ބޭނުންކޮށް އެއްބަސްވުން ސާބިތުވާކަމަށް ނިންމުމަކީ ކުށެއްތޯއާއި، އެއްބަސްވުމާ ޚިލާފަށް ރޯހައުސްއިން ނުކުތުމަށް އެންގުމުން ދައްކާފައިވާ ފައިސާ އަނބުރާ ދޭންޖެހޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ކުރީގެ ޤަޟިއްޔާގައި އެއްބަސްވުމުގެ ހެކިންގެ ހެކިބަސް ނަގާފައިވާއިރު އެ ބަޔާންތަކަކީ މައުޟޫޢާ ގުޅޭ ބަޔާންތަކަށްވެ އޭގެ ބޭނުން ނުކުރެވޭނެ ސަބަބެއް ނުދައްކާތީއާއި، އެއްބަސްވުމުގެ 2 ވަނަ މާއްދާގައިވާ ގޮތުން ދައްކާފައިވާ ފައިސާ އެއްފަހަރާ ދިނުމަށްފަހު މެނުވީ ގެއިން ނުނެރެވޭތީ، ޙުކުމަށް ބަދަލު ގެންނަންޖެހޭ ސަބަބެއް ނެތްކަމަށް ނިންމިއެވެ.