2016/HC-A/479

ކުލި އާއި ޖޫރިމަނާގެ ޢަދަދު ދައްކަންޖެހޭކަން ސާބިތުވާކަމަށް ކަނޑައަޅައި، 9 މަސްދުވަހުގެ ތެރޭގައި ދައްކައި ނުނިމިއްޖެނަމަ އެއްބަސްވުން ނިމުމަކަށް ގެނެސް ބިން އަނބުރާ ހަވާލުކުރަންޖެހޭނެ ކަމަށް ހުޅުމާލެ މެޖިސްޓްރޭޓް ކޯޓުން ޙުކުމްކުރިއެވެ.

ހައުސިންގ ޑިވެލޮޕްމަންޓް ކޯޕަރޭޝަނުން ހުޅުމާލޭގައިވާ ސިނާޢީ ބިމެއް އެޓޯލް ޕެރެޑައިސް ޕްރައިވެޓް ލިމިޓެޑަށް ކުއްޔަށް ދިނުމުގެ އެއްބަސްވުމުގެ ދަށުން ދައްކަންޖެހޭ ކުލި ނުދެއްކުމުން، ކުލި، ޖޫރިމަނާ އަދި ބިން ހަވާލުކުރުމަށް އެދި ހުޅުމާލެ މެޖިސްޓްރޭޓް ކޯޓަށް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ދެފަރާތުގެ އެހެން ބިންތަކާ ގުޅިގެން އެކުއެކީ ތަސައްރަފުކުރާތީ މި ބިމުގެ ކުއްޔާއި ޖޫރިމަނާއަށް ވަކިން ދަޢުވާ ނުކުރެވޭނެ ކަމަށާއި، މި މައްސަލަ ބެލުމުގެ އިޚްތިޞާޞް ހުޅުމާލެ މެޖިސްޓްރޭޓް ކޯޓަށް ނެތް ކަމަށެވެ.

ބިމެއް ކުއްޔަށް ދިނުމުގެ އެއްބަސްވުމެއްގެ ދަށުން ކުލި އާއި ޖޫރިމަނާ ހޯދުމަށް ހުށަހެޅި ދަޢުވާ، އެ ދެފަރާތުގެ އެހެން ބިންތަކާ ގުޅޭ އެއްބަސްވުންތަކާ ވަކިން ބެލެވޭނެތޯއާއި، އެ މައްސަލަ ބެލުމުގެ އިޚްތިޞާޞް ހުޅުމާލެ މެޖިސްޓްރޭޓް ކޯޓަށް ލިބިގެންވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ކޯޓުތަކުގެ ޤާނޫނުގެ ދަށުން ސިވިލް ކޯޓަށް ޚާއްޞަ އިޚްތިޞާޞް ލިބިފައިވަނީ 5 މިލިއަން ރުފިޔާއާއި އެއަށްވުރެ މަތީގެ މައްސަލަތަކަށް ކަމަށާއި، ވަކިން ދަޢުވާކުރުމަށް ހުރަސްއަޅާ ޝަރުޠެއް ނުވަތަ ވަކި ކޯޓެއް އެއްބަސްވުމުގައި ކަނޑައަޅާފައި ނުވާތީ، ހުޅުމާލެ މެޖިސްޓްރޭޓް ކޯޓުން މައްސަލަ ބެލުން ޞައްޙަ ކަމަށް ހައިކޯޓުން ކަނޑައެޅިއެވެ.