2016/HC-A/478

ހުޅުމާލެ މެޖިސްޓްރޭޓް ކޯޓުން ދައްކަންޖެހޭ ކުއްޔާއި ޖޫރިމަނާ ދަޢުވާލިބޭ ފަރާތުން އިޢުތިރާފުވެފައިވާތީ، 07 މަހުގެ ތެރޭގައި ދެއްކުމަށާއި، ނުދައްކައިފިނަމަ ބިން ޙަވާލުކުރުމަށް ޙުކުމްކުރިއެވެ.

ހައުސިންގ ޑިވެލޮޕްމަންޓް ކޯޕަރޭޝަނުން ހުޅުމާލޭގެ ސިނާޢީ ބިމެއް އެޓޯލް ޕެރެޑައިސް ޕްރައިވެޓް ލިމިޓެޑަށް ކުއްޔަށް ދީފައިވާ އެއްބަސްވުމުގެ ދަށުން ކުލި ނުދައްކާތީ، ކުއްޔާއި ޖޫރިމަނާ ހޯދުމަށާއި ބިން ޙަވާލުކުރުވުމަށް ހުޅުމާލެ މެޖިސްޓްރޭޓް ކޯޓަށް ދަޢުވާކުރެވުނެވެ.

އިސްތިއުނާފުކުރި ފަރާތުން ބުނީ ދެފަރާތާ ދެމެދު އެކުއެކީ ތަޞައްރުފުކުރާ ގިނަ ބިންތަކެއް ހުރުމުން، ހަމައެކަނި މި ބިމުގެ ކުއްޔާއި ޖޫރިމަނާއަށް ވަކިން ދަޢުވާ ނުކުރެވޭނެ ކަމަށާއި، މި މައްސަލަ ބެލުމުގެ އިޚްތިޞާޞް ހުޅުމާލެ މެޖިސްޓްރޭޓް ކޯޓަށް ނުލިބޭ ކަމަށެވެ.

ބިމެއް ކުއްޔަށް ދިނުމުގެ އެއްބަސްވުމެއްގެ ދަށުން ކުލި ހޯދުމުގެ މައްސަލަ ބެލުމުގެ އިޚްތިޞާޞް ހުޅުމާލެ މެޖިސްޓްރޭޓް ކޯޓަށް ލިބިގެންވޭތޯއާއި، ދެފަރާތުގެ ދެމެދުގައިވާ އެހެން އެއްބަސްވުންތަކާ ވަކިން އެ އެއްބަސްވުމުގެ ދަށުން ދަޢުވާކުރެވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ކޯޓުތަކުގެ ޤާނޫނުގެ ޖަދުވަލު 5 ގެ ދަށުން 5 މިލިއަން ރުފިޔާއަށް ވުރެ ދަށުގެ މަދަނީ މައްސަލަތައް މެޖިސްޓްރޭޓް ކޯޓުތަކަށް ބެލޭކަމާއި، ރަށުގެ ބިންބިމުގެ މައްސަލަ އެރަށެއްގެ މެޖިސްޓްރޭޓް ކޯޓުން ބަލާކަމާއި، ވަކިން ދަޢުވާކުރުމަށް ހުރަސްއަޅާ ޝަރުޠެއް ނުވަތަ ކަނޑައަޅާފައިވާ ވަކި ކޯޓެއް އެއްބަސްވުމުގައި ނެތްކަމެވެ.