އަޙްމަދު ޢާލީ ވ. ޕްރޮސިކިއުޓަރ ޖެނެރަލް

ކްރިމިނަލް ކޯޓުން މުޖުތަމަޢުގެ ސަލާމަތަށްޓަކައި 5 ދުވަހަށް ކަސްޓޯޑިއަލް ޖަލެއްގައި ބަންދުގައި ބެހެއްޓުމަށް އަމުރުކުރިއެވެ.

މާލޭގައި ބޭއްވުނު ޖަލްސާއަކަށްފަހު އެއްވެ އުޅުމުގެ ޤާނޫނާ ޚިލާފަށް މަގުމައްޗަށް އެއްވެ، ޓްރެފިކަށް ދަތިކޮށް، ފުލުހުންގެ އަމުރަށް ނުކިޔަމަންތެރިވި ތުހުމަތުގައި ހައްޔަރުކުރެވުނެވެ.

އިސްތިއުނާފުކުރި ފަރާތުން ބުނީ ވަކީލުގެ ޣައިރު ޙާޟިރުގައި ބަންދުކުރިކަމަށާއި، ޖިނާއީ އިޖުރާއަތުގެ ޤާނޫނުގެ 22 ވަނަ މާއްދާގައިވާ ކުށެއް ނޫން ކަމަށާއި، ޤަވާޢިދުގެ 13 (ނ) އަށް ރިޢާޔަތް ނުކުރި ކަމަށެވެ.

މުޖުތަމަޢުގެ ސަލާމަތަށްޓަކައި 5 ދުވަހަށް ބަންދުގައި ބެހެއްޓުމަށް ކްރިމިނަލް ކޯޓުން ނެރުނު އަމުރަކީ، ވަކީލު ހާޒިރުނުވެ ނެރުނު އަމުރަކަށް ވާތީއާއި، ޖިނާއީ އިޖުރާއަތުގެ ޤަވާޢިދުގެ 13 (ނ) ގެ ކަންކަމަށް ރިޢާޔަތް ނުކުރާތީ، ޤާނޫނާ އެއްގޮތަށް ނެރުނު އަމުރެއްތޯ.

ދަށުކޯޓުގެ ބަންދު އަމުރު ބާޠިލު

ވަކީލު ހަމަޖައްސާ ފުލުހުންނަށް އަންގާފައިވާއިރު ކޯޓަށް ހާޒިރުކުރާކަން ވަކީލަށް ނާންގާތީ ވަކީލުގެ ޙައްޤުން މަޙްރޫމްކުރެވިފައިވާތީއާއި، ކުށުގެ ރެކޯޑެއް ނެތް މީހަކު ބަންދުކުރުމުގައި 13 (ނ) ގެ ކޮން ކަމަކަށް ރިޢާޔަތްކުރީކަން ސާފުނުވާތީ އަމުރު ބާޠިލުކުރެވިއެވެ.