ޢަބްދުﷲ ރިޟާ ވ. ކ. މާފުށި ކައުންސިލް

މެޖިސްޓްރޭޓް ކޯޓުން، ތަރިކަ ބެހުމާއި ގޯތީގެ މިލްކުވެރިކަމާ ގުޅޭ ދެ ޤަޟިއްޔާ ކުރިން މައުޟޫޢީ ގޮތުން ނިންމާފައިވާތީ، އަދި ސުޕްރީމް ކޯޓުގެ 2015/SC-SJ/09 އާއި 2015/SC-SJ/11 އަމުރުތަކަށް ބަލައި ދަޢުވާ ރަޖިސްޓްރީ ނުކުރުމަށް ނިންމިއެވެ.

މަރުޙޫމެއްގެ ނަމުގައިވާ ބަންޑާރަ ގޯތި ޝަރުޢީ ނިންމުމެއް ނެތި މަރުޙޫމުގެ ދަރިއެއްގެ ނަމަށް ރަޖިސްޓްރީކުރި ކަމަށް ބުނެ، އެ ރަޖިސްޓްރީތައް ބާޠިލުކޮށް ގޯތި މަރުޙޫމުގެ ނަމުގައި އޮތް ގޯއްޗެއްކަމަށް ކަނޑައަޅައިދިނުމަށް އެދި މާފުށީ މެޖިސްޓްރޭޓް ކޯޓަށް ދަޢުވާ ހުށަހެޅިއެވެ.

އިސްތިއުނާފުކުރި ފަރާތުން ބުނީ، ސުޕްރީމް ކޯޓުގެ އެ ދެ އަމުރުގައި ކަނޑައަޅާފައިވާ އުޞޫލުތަކަށް ނުބަލައި ދަޢުވާ ފޯމު ބަލައިނުގަތީ ކަމަށެވެ.

ކުރިން މައުޟޫޢީ ގޮތުން ނިންމާފައިވާ ތަރިކަ ބެހުމާއި މިލްކުވެރިކަމުގެ ޤަޟިއްޔާތަކުގެ މައުޟޫޢާ ގުޅޭ ދަޢުވާއެއް ރަޖިސްޓްރީ ނުކުރުމަށް މެޖިސްޓްރޭޓް ކޯޓުން ނިންމުން ޝަރުޢީ އަދި ޤާނޫނީ އުޞޫލުތަކާ އެއްގޮތްތޯ.

އިސްތިއުނާފު ބާޠިލް، ދަށުކޯޓުގެ ނިންމުން ޤާއިމް

ކުރީގެ ދެ ޤަޟިއްޔާއަކީ ނިހާއީ ނިންމުންތަކަށްވެފައި، ހުށަހެޅި ދަޢުވާގެ މައުޟޫޢަކީވެސް އެ ޤަޟިއްޔާތަކުގެ މައުޟޫޢާ ގުޅޭ ކަމަކަށްވާތީ، އެ ދަޢުވާ ބެލުމަކީ ސުޕްރީމް ކޯޓުގެ އަމުރުތަކާ ޚިލާފު ކަމަކަށްވާ ކަމަށް ކޯޓު ދެކުނެވެ.