ހަސީނާ ހުސައިން ވ. ކ. ގުޅި ކައުންސިލް

ގުޅީ މެޖިސްޓްރޭޓް ކޯޓުން، ގޯތި ތިން ފަރާތެއްގެ މިލްކެއްކަމަށް 18/H11C/2010 ޙުކުމުގައި ކަނޑައަޅާފައިވާތީ އިސްތިއުނާފުކުރި ފަރާތުގެ ނަމުގައި ރަޖިސްޓްރީކޮށްދިނުމަށް އަމުރު ނުކުރެވޭނެކަމަށް ނިންމި.

ކ. ގުޅީގައި ސާޅީސް އަހަރަށްވުރެ ގިނަ ދުވަހު ދިރިއުޅެމުން އަންނަ ގޯއްޗެއް އިސްތިއުނާފުކުރި ފަރާތުގެ ނަމުގައި ރަޖިސްޓްރީކޮށްދިނުމަށް ކައުންސިލަށް އަމުރުކުރުމަށް އެދި ދަޢުވާކުރި؛ ކުރީގެ 18/H11C/2010 ޙުކުމުން އެ ގޯތި ތިން ފަރާތެއްގެ މިލްކެއްކަމަށް ކަނޑައަޅާފައިވި.

އިސްތިއުނާފުކުރި ފަރާތުން ބުނީ ގޯތީގައި އިމާރާތްކޮށްފައިވަނީ އޭނާ އެކަނި ކަމަށާއި، އެހެން ފަރާތްތަކަށް ބައިލިބޭނެ ލިޔުމެއް ނެތްކަމަށާއި، 2012/HC-A/173 އަކީ މިލްކުވެރިކަމާބެހޭ މައްސަލައެއް ނޫންކަމަށް؛ ތަދައްޚުލްވި ފަރާތުން ބުނީ މަންމަގެ ފަރާތުން ގޯތިން ބައި ލިބެން ޖެހޭކަމަށް.

ކުރިން ކޯޓުގެ ޙުކުމަކުން ތިން ފަރާތެއްގެ މިލްކެއްކަމަށް ކަނޑައަޅާފައިވާ ގޯއްޗެއް، އެ ފަރާތްތަކުގެ ތެރެއިން އެކަކުގެ ނަމުގައި އެކަނި ރަޖިސްޓްރީކޮށްދިނުމަށް ކައުންސިލަށް އަމުރުނުކުރުމަކީ ޞައްޙަ ނިންމުމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

18/H11C/2010 ޙުކުމަށް ހައިކޯޓުން ތާއީދުކޮށް އެ ޙުކުމް ދެމިއޮތުމުން ގޯއްޗަކީ ތިން ފަރާތެއްގެ މިލްކެއްކަމަށް ބެލެވޭނެކަމަށާއި، ރަޖިސްޓްރީއެއް ކައުންސިލްގެ ރެކޯޑުގައި ނެތްކަމަށާއި، އެހެންކަމުން އެކަކުގެ ނަމުގައި ރަޖިސްޓްރީކުރުމަށް އަމުރު ނުކުރުމަކީ ޞައްޙަ ނިންމުމެއް ކަމަށް.