ޒީމާ ޔަޢުޤޫބު ވ. ޝަފީޤު ޢަބްދުﷲ

ސިވިލް ކޯޓު ހުޅުމާލެ ޑިވިޜަނުން 50,000 ރުފިޔާ 3 މަސްދުވަހުގެ ތެރޭގައި ދައްކާ ޚަލާޞްކުރުމަށް ޙުކުމްކުރިއެވެ.

ހުޅުމާލޭގެ ފްލެޓެއްގައި އެޕާޓްމަންޓާއި ފިހާރައާއި ލޯންޑްރީއެއް ހެދުމުގެ މަސައްކަތުގެ އަގު 90,000 ރުފިޔާއަށް ދޫކުރި ޗެކު ބައުންސްވެ، އޭގެ ތެރެއިން 40,000 ރުފިޔާ ދެއްކުމުން ބާކީ 50,000 ރުފިޔާ ހޯދުމަށް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ޙުކުމަކީ ކޮންޓްރެކްޓާބެހޭ ޤާނޫނުގެ 20(ހ) އާ ޚިލާފުކަމަށާއި، ދިފާޢުގެ ހެކިން ނުގެނެސް ނިންމުމަކީ 2011/SC-A/36 އާ ޚިލާފުކަމަށާއި، 2010/HC-A/47 ގެ އުޞޫލާއި ޤާނޫނުއަސާސީގެ 143(ރ) އާ ޚިލާފުކަމަށެވެ.

މަސައްކަތުގެ އަގުގެ ބާކީ 50,000 ރުފިޔާ ދިނުމަށް ކުރި ޙުކުމަކީ ކޮންޓްރެކްޓާބެހޭ ޤާނޫނުގެ 20 ވަނަ މާއްދާގެ (ހ) އާއި ޚިލާފު ޙުކުމެއްތޯއާއި، ދިފާޢަށް ހުށަހެޅި ހެކިން ނުގެނެސް މައްސަލަ ނިންމުން ޞައްޙަތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ފައިސާ ދައްކަން ޖެހުނުކަން ޗެކާއި ބައެއް ފައިސާ ދެއްކުމުން ސާބިތުވާތީ ބާކީ ދެއްކިކަން ސާބިތުކުރުމުގެ ބުރަ އޮތީ އިސްތިއުނާފުކުރި ފަރާތުގެ މައްޗަށެވެ. ހުށަހަޅަން އެދުނު ހެކިތަކަކީ ފައިސާ ދެއްކިކަމުގެ ހެކި ނޫނެވެ. ޗެކުގައި ޤަޞްދުގައި ތަފާތު ސޮއިކުރުމަކީ ޤަބޫލުކުރެވޭ ޢަމަލެއް ނޫނެވެ.