2016/HC-A/156

ސިވިލް ކޯޓުން ޗެކުގެ ފައިސާއާއި ދަޢުވާ ހުށަހެޅުމުގެ ޚަރަދު ދަޢުވާލިބުނު ފަރާތުން ދައްކަންޖެހޭކަން ސާބިތުވާކަމަށް ކަނޑައަޅައި ފައިސާ ދެއްކުމަށް ޙުކުމްކުރިއެވެ.

ލޯކަލް އިންވެސްޓްމަންޓަކަށް ސަޕްލައިކުރި 500 ކޭސް މަސްދަޅުގެ އަގުގެ ގޮތުގައި ދޫކުރި ދެ ޗެކު، އެކައުންޓުގައި ފައިސާ ނެތިގެން ބޭންކުން އަނބުރާ ރައްދުކުރުމުން، ޗެކުގެ ފައިސާ ހޯދުމަށް މިފްކޯއިން ދަޢުވާކުރި މައްސަލައެކެވެ.

އިސްތިއުނާފުކުރި ފަރާތުން ބުނީ މުދާ ކުރެޑިޓަށް އެދުނު ނަމަވެސް މުދާ ނުލިބޭތީ އަދި މުދާ ދޫކުރިކަން މިފްކޯއިން ސާބިތުނުކުރާތީ، ޙުކުމަކީ މުދައު ވިއްކުމާބެހޭ ޤާނޫނުގެ 2 އަދި 15 ވަނަ މާއްދާއާ ޚިލާފު ޙުކުމެއް ކަމަށެވެ.

ވިއްކި މުދަލުގެ އަގުގެ ގޮތުގައި ދޫކޮށް ފައިސާ ނެތިގެން އަނބުރާ ރައްދުވި ދެ ޗެކުގެ ފައިސާ ދެއްކުމަށް ސިވިލް ކޯޓުން ކުރި ޙުކުމް، މުދާ ނުލިބުނު ކަމަށް ބުނާ ދަޢުވާލިބުނު ފަރާތުގެ އިސްތިއުނާފުގައި ޤާއިމްކުރެވޭނެތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ޗެކުތައް ދޫކުރިކަމާމެދު އިންކާރުނުކުރާ ހިނދު، ދެވަނަ ޗެކު ދޫކޮށްފައިވުމާއި ޝަކުވާއެއް ނުކުރުމުން ފައިސާއަކީ މުދަލުގެ ބަދަލުގައި ހޯދަން އެދޭ ފައިސާކަން މަދަނީ މިންގަނޑުން ސާބިތުވާކަމަށާއި، 2013/SC-A/29 ގައިވާ ފަދައިން ޝަކުލިއްޔާތު ފުރިހަމަ ޗެކަކީ ފައިސާ ދައްކަންޖެހޭކަމުގެ ހަރުދަނާ ހެއްކެއް ކަމަށް ކޯޓުން ކަނޑައެޅިއެވެ.