ޢުމަރު ޒާހިރު ޢަބްދުއްޞަމަދު ވ. މުޙައްމަދު ރިޟްވާން

ސިވިލް ކޯޓުން، އެޑްވާންސް ފައިސާ ދިންކަން ދަޢުވާކުރާ ފަރާތަށް ސާބިތުކޮށްދެވިފައިނުވާތީ ފައިސާ ދެއްކުމަށް އަންގާނެ ތަނެއް ނެތްކަމަށް ޙުކުމްކުރިއެވެ.

ޢިމާރާތެއްގެ ބައެއް ކުއްޔަށް ދިނުމަށް ބުނެ، އިސްތިއުނާފު ރައްދުވާ ފަރާތް އެޑްވާންސްގެ ގޮތުގައި ނަގާފައިވާ ފައިސާ އަނބުރާ ނުދޭތީ، އެ ފައިސާ ހޯދުމަށް އިސްތިއުނާފުކުރާ ފަރާތް ސިވިލް ކޯޓުގައި ދަޢުވާކުރިއެވެ. ދަޢުވާފޯމުގައިވާ ޢަދަދާ ޚުލާޞާ ބަޔާނުގައި ބުނި ޢަދަދު ތަފާތެވެ.

އިސްތިއުނާފުކުރާ ފަރާތް: ޗެކުގެ ކޮޕީއާއި ނަގުދު ފައިސާ ދިންކަމުގެ ލިޔުން ހުށަހެޅި ނަމަވެސް ދަޢުވާ ސާބިތުނުވާކަމަށް ނިންމީ މަދަނީ މިންގަނޑާއި 2012/HC-A/270 ގެ އުޞޫލާ ޚިލާފަށެވެ؛ ޢަދަދަކީ އޮޅުމަކުން ލިޔެވުނު ޢަދަދެކެވެ؛ ޤާނޫނުއަސާސީގެ 42 (ށ) އާއި 141 އާ ޚިލާފެވެ. ރައްދުވާ ފަރާތް: ޚުލާޞާ ބަޔާނާ ހިސާބުން ދަޢުވާ ބަދަލުނުކުރެވޭނެއެވެ؛ ދަޢުވާ ސާބިތުނުވެއެވެ.

ޢިމާރާތެއްގެ ބައެއް ކުއްޔަށް ދިނުމަށް އެޑްވާންސްގެ ގޮތުގައި ދިން ފައިސާ އަނބުރާ ހޯދުމަށް ކުރި ދަޢުވާ ސާބިތުނުވާކަމަށް ސިވިލް ކޯޓުން ނިންމުމުގައި، ދަޢުވާކުރި ޢަދަދާ ހެކިތަކުގައިވާ ޢަދަދު ދިމާނުވުމާއި، ޚުލާޞާ ބަޔާނުގައި ޢަދަދު ބަދަލުކުރުމާއި، މަދަނީ މިންގަނޑާއި، ޤާނޫނުއަސާސީގެ މާއްދާތަކާ ޚިލާފުވުމާ ގުޅޭ އިސްތިއުނާފީ ނުކުތާތައް.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދަޢުވާފޯމު އިސްލާޙުކުރުމަށް ހުށަހަޅާފައި ނުވާތީ ދަޢުވާކުރި ޢަދަދަކީ ދަޢުވާފޯމުގައިވާ ޢަދަދެވެ؛ ފަހު މަރުޙަލާގައި ދަޢުވާ އިސްލާޙުނުކުރެވޭނެއެވެ. އެހެން ނުކުތާތަކުގައި ޚިލާފުވީ ކޮންގޮތަކުންކަން ބަޔާންކޮށްފައި ނުވާތީ ރިޢާޔަތްކުރަންޖެހޭ ނުކުތާތަކެއް ނޫނެވެ.