ޕްރޮސިކިއުޓަރ ޖެނެރަލް ވ. މޫސާ އިނާސް

ހައްދުންމަތީ ގަމު މެޖިސްޓްރޭޓް ކޯޓުން ބަންދަށް ލުއިދިނުމުގެ ޝަރުޠުތަކަށް ތުހުމަތުކުރެވޭ ފަރާތް އިޢުތިރާފުވުމާއި ހެކީގެ ބުރަދަނާއި އޭނާގެ ދިރިއުޅުމުގެ ޙާލަތަށް ރިޢާޔަތްކޮށް ބަންދުން ދޫކޮށްލުމަށް އަމުރުކުރިއެވެ.

ލ. ގަން-ތުނޑި ބަނދަރުގައި އޮތް ފުލުހުންގެ ލޯންޗަކަށް ގަސްދުގައި އަލިފާން ރޯކުރުމުގައި ބައިވެރިވިކަމަށް (ޓެރަރިޒަމް) ތުހުމަތުކުރެވޭ ފަރާތެއްގެ ބަންދު 15 ދުވަހަށް އިތުރުކުރުމަށް ފުލުހުން އެދުނެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ އަމުރަކީ ޤާނޫނުއަސާސީގެ 49 އާއި ޖިނާއީ އިޖުރާއަތުގެ ޤާނޫނުގެ 22 (ނ)، 59، 60 އާ ޚިލާފު އަދި ޖިނާއީ އިޖުރާއަތުގެ ޤާނޫނުގެ 63 ވަނަ މާއްދާއާއި ޓެރަރިޒަމް މަނާކުރުމުގެ ޤާނޫނުގެ މަޤްޞަދާ ޚިލާފު އަމުރެއް ކަމަށެވެ.

ޓެރަރިޒަމްގެ ތުހުމަތުގައި (ފުލުހުންގެ ލޯންޗަކަށް އަލިފާން ރޯކުރުމުގައި ބައިވެރިވުން) ބަންދުގައިވާ ފަރާތެއް ޝަރުޠުތަކާއެކު ބަންދުން ދޫކޮށްލި މެޖިސްޓްރޭޓް ކޯޓުގެ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22، 59، 60 އަދި 63 ވަނަ މާއްދާތަކާ ޚިލާފު އަމުރެއްތޯ.

ދަށުކޯޓުގެ އަމުރު ބާޠިލު؛ ބަންދާމެދު ކްރިމިނަލް ކޯޓުން އަލުން ގޮތެއް ނިންމަންޖެހޭ

ޓެރަރިޒަމަކީ ޖިނާއީ ބޮޑު ކުށަކަށްވެ ތުހުމަތު އުފެދޭ މިންވަރަށް ހެކި ހުރުމާއި ކުށުގެ ރެކޯޑަށް ބަލާއިރު މުޖުތަމަޢަށް ނުރައްކާ ނުފޯރުވޭ ތަނެއްގައި ބަހައްޓަންޖެހޭތީ އަމުރު ބާޠިލުކޮށް، މައްސަލަ ކްރިމިނަލް ކޯޓުގައި ޝަރީޢަތުގައި އޮތުމުން ބަންދާމެދު އެ ކޯޓުން އަލުން ގޮތެއް ނިންމަން ނިންމިއެވެ.